Popular Bible Verses from Luka 12

Share

Bít aí kɔ̀, kùm ìì nwán kúnú! Kàandə, nɛ́ŋə̀ aa bə̀ dɛ̀rə̀ Nɛ́ŋ Váàndo Wàà rə, dáà yaànà sɛŋ aa íí sèl wə́ə́ bə gá rə ba.»

Ìì mà' kàan sí, zá éèn ìì sàà Vɛnɛ́b Gààd oò kùmsə̀n aí rú. Bít Vɛnɛ́b kɔ̀ dá ii taà in aa íí ɔ̀d də piinàá.»

Bítsɔ̀ŋ, bàà nɛ́b bəd kóólé: «Ìì dòò túŋá, ìì gú' yíl íí kə̀ gbaŋə̀ bəd í'ǹmbìá. Kàandə, kóó dáà nɛ́ŋə̀ tə́ kə̀ gbaŋə̀ zùúm naà máá, bán gɔ̀ŋsə́ oò ko'ǹmbə̀ gá.»

Kàandə, zɔ̀ŋ aa gbaŋə̀ ń ləə bərə, tɛ́m ámbə̀ kɔ̀ ləə tə́ zɔ̀ŋ aarə ba.»

Bít nɛ́ɛ̀réè aí tə́ŋú, kə̀ tɛ́m lɔbkè oòra, dá taà báàn gɔ̀ŋsə́ oò búdǹmbə̀ zɔ̀gɔ̀ gú? Nɛ́ŋə̀ nə́ŋ̀má sé.

Bítsɔ̀ŋ, Yéésù bàà nɛ́b sáànmbə̀ oò bəd: «Kə̀ taàbìá, mə́ tə́ì taà baanàá: ‹Ìì lɔ̀b tɛ́m inlíìnmbə̀ aa íí ɔ̀d gɔ̀ŋsə́ bə̀ ko'ǹ də bə sí, sínkɔ̀ ìì lɔ̀b tɛ́m gɔ̀' bəraa íí dá páàn sisú rə bə sí.

Bít yíl gí' íí bəd kə̀ zɔ̀ŋtá, Vɛnɛ́b gád tə́ kúnú. Kə̀ aakíin də, ìì nùù də́dǹ sí' íí kànsə̀n saasa yɛb zùúm kə̀ pɛ̀sá.»

«Ìì nùù də́dǹ sí, nɛ́b mə́ bəraa íí ká' sín yóo! Kàandə, sɔ̀ɔ̀n Báá íí Vɛnɛ́bì aí bə̀ páànmbə̀ oò Gààrú.

Ìì ɛ̀g núú bərá. Bə̀ wùù in luùm gá, sínkɔ̀ bə̀ kɛ̀d gá. Bə̀ kə̀ zɔ̀ŋ aa ìì dá inlíìnmbə̀ bəd zígǹ bərə naà sé, ìì kə̀ bɔ̀n naà sé. Zá Vɛnɛ́b zàn bə̀ sùnú! Íí kànsə̀n núú yɛb gbàákù kə̀ pɛ̀sá!

Ìì dàà in aa íí dá líìn, sínkɔ̀ in aa íí dá nyəə̀n də kíìn seèlǹmbìá, bít tɛ́m oò nyágə́li sí.

Fɔ̀g aa nyà'aa yée tə́ lɛsú, nwúndù kɔ̀ dá duùn laa rú rə máá, Vɛnɛ́b pááù gɔ̀' yàá. Nɛ́ɛ̀m ééleè aí gə́, páá ii taà gɔ̀' gá gú? Íí nɛ́b aa íí kə̀ tɛ́m bagké naà zɔ̀gɔ̀ní yóo!

In aa mə́' mə́ bààì bə́ŋyée rə, kpàm yaà ìì bàà nɛ́b zùúm númú; bít in aa tə́ mə́'ke rə gə́ kóólé, ìì mà' bɔ̀b nɛ́b bəd boò gàb kúnú.