Popular Bible Verses from Luka 13

Share

«Ìì nɔ̀ŋ piìnmbə̀ waàl bo'kè rú, Vɛnɛ́b gààrú. Kàandə, mə́ tə́ ii kíìn baanàá, nɛ́b bəd zùúm bə̀ dá saàn piìnmbə̀ rú wərà, bít ìì bán gá.

Sɛŋ də, nɛ́ŋ kéèndo mad bə̀ nə́ŋ̀ kùm wərà' mà'ì zèd kób zè dàgwà, kə̀ nwul vaksə́ nə́ŋ̀ naú, tɔ̀' sááù pɛŋ naú, bán pɛŋ wɔ̀'ǹmbə̀ lɛgə́ gá. Zɔ̀ŋ aa Yéésù bé'ù kàangə́, dɛ̀rə̀ kúnú, bít bààù: «Wàà kéèná, si' ń gágì marú.»

Zíg nɛɛ̀n oò yílə́ gə́, bít kə̀ nwɔŋ aa nuù yée kíinní, zá' dìì gə̀ə̀nì lɛgú, bít pìì Vɛnɛ́b káŋ̀mbìá.

Bít kàanyée gə́, nɛ́b kam bəraa nyàam bə̀ yɛb bɛ̀ŋ́sə̀ bəd də, bə̀ dá kuùm nɛ́b yíl bə̀ bərá, bít nɛ́b aa nyàam bə̀ nɛ́b yíl bə̀ bəd də, bə̀ dá kuùm yɛb bɛ̀ŋ́sə̀ bərá.»

«Màìgə́ nɛ́d ligə̀ bə̀ zá'ì lɛgú, bít ke' waàlì gə́, íí dá kuùm gbarú, íí dá piìn waàl tɔɔ̀mbìá, bít íí dá baàn: ‹Gbàároá, ǹ kèd bə́ waàlá.› Dáiyà ke'ǹ í'ǹnà wúu nuú: ‹Mə́ gàb zɔ̀ŋ aa íí vúgà bərə sé!›

Ə́ùwə́, mə́ tə́ ii kíìn baanàá, zá íí pɛ́n tɛ́m, íí bàg Vɛnɛ́b síngə́, val dá ii kodǹ íí kóólé, kìínmbə̀ boò kíni.»

«Bít dá ii baàn sɔ̀ŋ: ‹Mə́ gàb zɔ̀ŋ aa íí vúgà bərə sé. Ìì gbad kíìn máá sunú, nɛ́b aa íí tə́ invaksə́ bəd ma'ǹ yóo!›

Yéésù bàà: «Sɛŋ aa Vɛnɛ́b dá Gààd ləə̀n dú nɛ́b bəd yílə́ rə, lúŋ tə́ níì gú? Máù də́'ǹ kə̀ níì gú? Vɛnɛ́b Gààd lúŋ tə́ kpànwà lɛ̀ɛ́ŋke aa nɛ́ŋ váàndo nə́ŋ̀ pà', bít dá wùù oò lɛsə́ rə kíin. La' yàá, kàŋ bíl tééì gə́, bít núú lɛgə́ paà bə̀ bəd yaà bə̀ kùd wàsàg nɛɛ̀n oò bəd də ba.»