Popular Bible Verses from Ioane 10

Share

I 'aere 'ua mai te tangata keiā nō te keiā, te tā ē te 'akapou; i 'aere mai nei rā au kia rauka i a rātou te ora, ē kia meitaki rava atu tō rātou ora.

“Ko au te tiaki māmoe meitaki ra. Ka 'ōronga te tiaki māmoe meitaki i tōna 'ua'orāi ora nō te au māmoe.

Ko tāku au māmoe, ka 'akarongo mai rātou i tōku reo, ē kua kite 'oki au i a rātou, ē ka āru mai 'oki rātou i āku

ē nāku e 'ōronga atu ki a rātou i te ora mutukore. Kāre 'oki rātou e mate e tuātau 'ua atu, ē kāre rava tēta'i 'ua atu tangata e 'apai kē atu i a rātou mei roto mai i tōku rima.

Ko au te ngūtupa. Ko tēta'i 'ua atu te ka nā kō nei mai i āku nei i te tomo, 'e rāvenga ora tōna. Ka 'aere 'ua aia ki roto ē ki va'o, ē ka kitea 'oki te ngā'i i tupu ei te kai.

Ko au te tiaki māmoe meitaki ra; kua kite au i tāku 'ua'orāi, ē ko tāku 'ua'orāi kua kite katoa mai rātou i āku

Ko taku Metua, ko tei 'ōronga mai i a rātou ki āku nei, 'e ma'ata atu aia i te au mea rava rāi, ē kāre 'oki e rauka i tēta'i tangata i te 'apai kē atu i a rātou mei roto mai i te rima o taku Metua ra. Ko au ē te Metua, 'e 'okota'i 'oki māua.”

mei te Metua i kite mai i āku nei ē ko au i kite katoa i te Metua ra, ē e 'ōronga 'oki au i tōku ora nō te māmoe.

Kāre rava tēta'i e riro i te 'apai kē i te reira mei āku atu nei; nāku 'ua'orāi rā e 'ōronga 'ua atu. 'E mana tōku kia 'ōronga atu i tōku ora, ē 'e mana katoa 'oki tōku kia rave 'aka'ou mai. Ko tēia te 'akaue'anga tāku i 'āriki mai mei kō mai i taku Metua ra.”

Kua tuatua 'aka'ou atura a Iēsū ki a rātou, “Koia mou tāku e karanga atu ki a kōtou na, ko au te ngūtupa nō te au māmoe.

Ko te tangata tūtaki'ia rā, kia kite aia i te luko i te 'aere'anga mai, 'akaruke maira i te māmoe, 'oro kē atura, nō te mea, kāre aia i te tiaki māmoe, ē kāre katoa 'oki ē nāna 'ua'orāi te māmoe. Ē kua noni i'ora te luko ē kua 'akapue'urikiriki atura i a rātou.

Kua tuatua atura a Iēsū, “Koia mou tāku e karanga atu ki a kōtou na, ko te tangata tei kore e nā te ngūtupa i te tomo ki roto i te koro o te māmoe ra, ko tei kake rā nā runga i tēta'i mataara kē, 'e tangata keiā aia ē te noni.