Popular Bible Verses from Luka 1

Share

Cúís gúùs ga sa káà si i, Nqarim gha kúrúa sa ka tààè sa khama,” tam méé.

Si Maria sa xo̱a me a máá: “Ncãa ga ra a, X'AIGAM Nqarim dir qãà ra. Eẽ tsi ko méé khamaga méé i tíí koe ii,” tas méé. Me moengele ba guu si a qõò.

Me moengele ba xo̱a si a máá: “Tcom-tcomsam Tc'ẽe ba gha sáá koe hàà, kaisase Tc'amaka hànam di qaria nea gha qàbi si, Me gha gaa domka Gaam ẽe gha ko ábàè ba tcom-tcomsa ii, a ba a gha Nqarim dim Cóá ba ta ma tciiè.

Ncẽem X'AIGAM Nqari ba sáá cgoa kg'uia hãa zi gúù zi wèé zi gha kúrúse sa si dtcòm̀a hãa, khama si ts'ee-ts'eekg'aièa,” tas méé.

Bóò, ncãà si gha úú, a kg'áòm cóá ba ábà, a si a gha Jeso ta ma tcii Me. Tcom-tcomsam khóè Me e gha ii, a ba a gha tc'amaka hãam Nqarim dim Cóá ba iise tciiè, Me gha X'AIGAM Nqari ba x'aian dis ntcõo-q'oo sa máà Me, Gam ka xõò-dxoom Dafitem khamaga ma. Jakobem dis qhàòs koem gha chõò tamase x'aiga ii, si Gam dis x'ai sa cuiskaga chõò tite,” tam moengele ba méé.

Me moengele ba bìrí si a máá: “Táá q'áò guu, Mariaè, Nqarim koe si cgóm̀kuan hòòa hãa ke.