Popular Bible Verses from Exodo 24

Share

Ikit da naman ding Israelita ing makasilo nang aslag ning panga-atyu ning GINU a balamu aping e matatda babo ning bunduk. Minukiat ya i Moises king bunduk a mibalutan king biga. Menatili ya karin kilub ding apat apulung aldo at apat apulung bengi.

Migdatun king babo ning bunduk ing makasilo nang aslag ning panga-atyu ning GINU. Anam yang aldo makatakap king biga. King kapitung aldo, ibat king makapal a biga, inaus ne ning GINU i Moises.

Ngana ning GINU kang Moises, Me keni, manik ka at panayan mu ku. Ibie ku la keka ding aduang tinabas a batu nung nu la ngan mayayakit ding sablang kautusan a sinulat ku para mituru la ding tau.