Popular Bible Verses from Exodo 23

Share

Nung samban yu ku, aku, ing GINUNG kekayung Dios, bendisyunan da kayu; dinan da kayung pamangan, inuman, at ilako ku ing nanumang sakit libutad yu. E mika babaing baug king lugal yu at alang makikuan. Pakaban ku ing bie yu.

Itubud keng makauna kekayu ing metung a anghel ban ingatan na kayu king pamaglakbe yu, at isadsad ketang lugal a sidia ku para kekayu.

Nung mamintu kayu king tubud kung anghel at daptan ing sablang utus ku, maging kalaban da ku ring kalaban yu.

E yu pakiapusan ing gagawan da ring dakal potang gagawa lang e ustu o potang papanig la king pisasabian a e makatuliran. E kayu mangabiran potang miyarap ya ing kalulu king piukuman.

E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan.