Exodo 23

Ing Hustisia at ing Sukat Daptan karing Kasalanan

1 # Exo 20:16; Lev 19:11, 12; Deut 5:20. E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan. 2E yu pakiapusan ing gagawan da ring dakal potang gagawa lang e ustu o potang papanig la king pisasabian a e makatuliran. 3#Lev 19:15.E kayu mangabiran potang miyarap ya ing kalulu king piukuman.

4 # Deut 22:1-4. Nung melili ya ing baka na o asno na ning kalaban yu at ikit ye, ibalik ye king kalaban yu. 5Nung akit yeng misakab ing asno na uli na ning beyatan ning daralan na, e ye lalagpusan, nune saupan ye ba neng abangun pasibayu ing asno na.

6 # Lev 19:15; Deut 16:19. E ye pagkaitan ing ninumang pakakalulu king katuliran na arapan na ning ukuman. 7E kayu gagawang maling paratang ni paburen miyatulan kamatayan ing taung alang kasalanan. Parusan ke ing ninumang darapat king anti kaniting e ustung dapat. 8E kayu tatanggap nanumang suhul, uling bubulagan na la ning suhul ding tau ban e ra akit ing katuliran, at iti ing makapahamak king kasu na ning taung alang kasalanan.

9 # Exo 22:21; Lev 19:33, 34; Deut 24:17, 18; 27:19. E ye lulupigan ing ninumang dayuan; balu yu nung nanu ing panamdaman na ning metung a dayuan, uling meging dayuan kayu naman karin king Ehipto.

Ing Kapitung Banua at ing Kapitung Aldo

10 # Lev 25:1-7. Kilub ding anam a banua tamnanan yu't pupulanan ing gabun yu, 11pero e ye tatamnanan karas ning kapitung banua. E yu naman pupupulan ing nanumang tumubu karin. Paburen yung ding pakakalulu ilang makinabang kaniti at paburen na karing animal itang e ra agisan. Makanyan munaman ing daptan yu karing tamnanan yung ubas at olibo.

12 # Exo 20:9-11; 31:15; 34:21; 35:2; Lev 23:3; Deut 5:13, 14. Daptan yu kilub ding anam a aldo ing obra yu, oneng tuknang kayung magobra king kapitung aldo ban mipaynawa kayu, at ban mibawi la sikanan ding ipus yu, ding dayuan a magobra para kekayu, at pati na ding animal a sese yu.

13Pakatandanan yu ngan sana iting sinabi ku kekayu. E kayu manalangin karing aliwang dios o banggitan man a lagyu.

Ding Atlung Maulagang Piesta

(Exodo 34:18-26; Deuteronomio 16:1-17)

14Magpiesta kayu makatatlung besis kilub ning pabanua bilang parangal kanaku. 15#Exo 12:14-20; Lev 23:6-8; Bilang 28:17-25.King bulan ning Abib,#23:15 ABIB: ing mumunang bulan na ning kalendaryung Hebreo; ausan dia namang Nisan; ing bulan pilatan ning Marso at Abril. ing bulan nung kapilan kayu linual Ehipto, pagselebran ye ing Piesta ning Tinape Alang Lebadura, antimo ing inutus ku na kekayu. E kayu mamangan tinape ating lebadura kilub ding pitung aldo a makatuldu para kaniting piesta. E ya mamarap king pamanyamba kanaku ing ninuman a ala yang daralang ain.

16 # Lev 23:15-21; Bilang 28:26-31; Lev 23:39-43. Pagselebran ye ing Piesta ning Pamamupul#23:16 O kaya: Piesta da ring Paruminggu. potang pagumpisan yu nang palutan ing tenam yu.

Pagselebran ye ing Piesta da ring Dalungdung potang malapit na ing panaun ning dimla, potang agtalan yu na la ding bunga yung ubas at aliwa pang bungang tanaman. 17Makatatlu kilub ning pabanua, king panaun da reting atlung piesta, sukat lang makiarap ding sabla yung lalaki ban samba kanaku, ing Ginung kekayung Dios.

18E yu la abayanan karing tinape ating lebadura ding animal a iyain yu kanaku. E yu naman paburen mikakabukasan ing taba ra ding animal a inain yu kanaku kareting atlung selebrasyun.

19 # Deut 26:2; Exo 34:26; Deut 14:21. Sukat yu lang idala balang banua king bale ning Ginung kekayung Dios ding mumunang diling bunga na ning pupul yu.

E ye lulutu ing biserung kambing o biserung tupa king gatas na ning gaindu na.

Ding Pangaku at Panabilin

20Itubud keng makauna kekayu ing metung a anghel ban ingatan na kayu king pamaglakbe yu, at isadsad ketang lugal a sidia ku para kekayu. 21Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan. 22Nung mamintu kayu king tubud kung anghel at daptan ing sablang utus ku, maging kalaban da ku ring kalaban yu. 23Muna ya kekayu ing kanakung anghel, at idala na kayu king gabun da ring Amoreo, Hiteo, Perezeo, Cananeo, Heveo, at Jebuseo a pawa kung paglipulan. 24E kayu duruku karing kikilalanan dang dios at e kayu sasamba karela, at e kayu makiapus king daraptan da. Lasakan yu lang lubus ding kikilalanan dang dios at durugan ding asias a batu a sasamban da. 25Nung samban yu ku, aku, ing Ginung kekayung Dios, bendisyunan da kayu; dinan da kayung pamangan, inuman, at ilako ku ing nanumang sakit libutad yu. 26E mika babaing baug king lugal yu at alang makikuan. Pakaban ku ing bie yu.

27Papagalgalan ku la ring taung lumaban kekayu, at mabalisa la ring sablang balen king paniatang yu; paurungan ku la at papulayan ding kalaban yu. 28Parala kung putakti#23:28 O kaya: tamumu. at misambulat la ding kalaban yu; itabi ku la ding Heveo, Cananeo, at ding Hiteo. 29E ku la pa itabi kilub ning pabanua pota king pangalako na tau ning lugal, dakal na la man ding animal a mabagsik. 30Itabi ku lang tunggal ditak king paniatang yu angga king dakal kayu para sakupan ye, at bandian lubus ing lugal da. 31Ing maging angganan na ning kekayung lugalan magumpisa ya king Dagat da ring Timbu#23:31 Kareng aliwang likas: Dayatmalat a Malutu. angga king Ilug ning Eufrates, at magumpisa ya king Dagat ning Mediteraneo angga king disyerto. Paburen ku lang manabu karing gamat yu ding manuknangan king lugal a yan, at itabi yu la ding taung darasan yu. 32E kayu mitatatag nanumang kasunduan karela o makisanmetung king pamanyamba ra karing kikilalanan dang dios. 33E yu la paintulutan manuknangan king sasakupan yu, pota ila pa ding mitake kekayu king pamikasala yu kanaku. Kabud samba kayu karing kikilalanan dang dios, king e yu kamalayan manabu kayu karing bitag da.

Currently Selected:

Exodo 23: PmPV

Highlight

Compare

Copy