Popular Bible Verses from Kulawa 15

Share

Akiwambíra javi: “Mukitengemána mukisikíra shauti ya Mola Mwenyezimungu wenu, mukiténda vinu vya koloka mbere yangu na mukiishímu ámuri zangu na piya vyanilaizire, omi sukuperekerani ulwere waniwaperekere waMiswiri. Kamana omi ndi Mola, nukuponesani umwe-po.”

Mola ndi nguvu zangu na rimbo rangu, kalawirira nvushi wangu, Iye ndi Nlungu wangu na ninsifu! Iye Nlungu wa babu zangu, nisaka kuntukuza!

Uwe Mola, nkati ya milungu, áringana nowe nani? Uwe bora na ntakatifu, áringana nowe nani? Uwe kutenda vyakofya, vitendo vyako vya ajabu!

Kwa pendo rako rakwaminika kuwalongoza wanu wako wauwómbore. Kwa nguvu zako kuwalongoza kuri mekazi ako matakatifu.

Pawafikire mahala pakwitiwa Mara, awakidirire kunywa maji a kaya ire kwa sababu ákiwawa pakulu futi. Ndi ntamana pakitiwa Mara (mana ake “Maji a kududurya”). Basi wanu piya wakindugúda Musa wakamba: “Ari! Epa sambi tikunywa kinani?” Noparepare Musa akinriríra Mola, kweli-kwelini Mola akimolotera kipande ca muti. Iye akilokota akefya mmaji mure cubuu! Mpunde noure maji are akitaduka mazizi. Nopare ka nopare Mola akilávya ámuri na akiwalaizíra waIziraeli ipate awayerere.