Popular Bible Verses from Kulawa 16

Share

wakamba: “Fadari tinafwa mmakono mwa Mola inti ya Miswiri nokure katikiinshi vikitizunguríza viyungu vya nyama, tikírya mpaka kutosheka. Fala sambi epa kutijísa eri langa-ri, júmula-yi piya upate kutulaya njala!” Ikisa Mola ndi pamwámbire Musa: “Onani! Núkwisusirani mikate yakulawa binguni kamba nvula. Daima-zi wanu wálawa kupita wakilokóta luziki ra kila suku. Kwa eyi namuna-yi níwayerera niwone kamba wáfulata shariya zangu au awafulata.

Jumula ya waIziraeli ire piya wakiwadugúda Musa na Aruna palanga pare

Ikisa tena Musa akamba: “Mola jironi akupani nyama murye, tena subuu akupani cakurya cakwikuta. Kweli-kwelini novyo ndi pamusaka kwijiwa kuwa Mola kasikira dugudugu zenu zamurishuku naye-zo. Ofwe ndi wanani wakutiduguda? Amutidugude ofwe-pa, ila mundúguda Mola!”

“Omi nisikira dugudugu ya waIziraeli. Wambire javi: ‘Jironi mukurya nyama, na subuu mukurya cakurya mpaka mukwikuta. Epo ndi pamusaka kwijiwa kuwa omi niwa Mola, Nlungu wenu.’ ”