Popular Bible Verses from Kulawa 2

Share

Na Mwenyezimungu kasikira lukuto rawo, kakumbukira miyadi yaaturíre na Iburahima, Izaki, pamoja na Yankubu. Mwenyezimungu kawanang'aniza wanu wa Iziraeli, na kawashugulikira.

Bandi ya myaka mingi ya wenye, nfalume wa Miswiri ire akífwa. Wana wa Iziraeli webiya lukuto, kuríra kwa namuna yawo yawákitumika kitwana. Kiriro cawo cakulalamika utwana cifíka ka Mwenyezimungu.

Toto ire paafikire makamo aba, mamaye ire akúka akimperéka ka mwana wa Firyauna, neye akintwála akinténda kuwa mwanawe. Toto ire kampa zina ra Musa, konta kasema kaamba: “Ninlávya mmaji.”

Basi, mwana wa Firyauna akimwambíra akámba: “Ntware toto-yu umõwésere, omi nukuripa nshahara wako.” Mwanamuka ire akintwála kumõwesa.

Mpunde sinkulu, mwana wa Firyauna akisúkira mmuto mure kowa, wajakazi wake wákipita wakenénda nanyenje ya muto ure. Mwana wa Firyauna paawonérere tenga rire mundekete mure, akintuma njakazi wake akatware.

Kwa suku moja, Musa paafikire kuwa munu nzima wa wenye, koka ka Waebraniya wenziwe kuwawona kawákikola kazi ngumu zaida. Noparepare, kammóna mMiswiri mmoja akimwibíya Mwebraniya mwenziwe. Musa akinang'aníza kuno na kuno, paawonire kuwa pare mahala pare aapo munu, akimuláya mMiswiri ire, akinfifíra na misanga akinfísa.