Popular Bible Verses from Yuh 19

Share

« Nda dza ghəŋa inda skwi tama, » ka Yesu tapanar tsi ta tsa ima inabi masmasa ya. Ka dzagatá tsi ta ghəŋ, ka sab hafu mida.

Tahula tsa, manda snaŋta *Yesu kazlay: Nda kɗa inda skwi tama kəʼa, « ndala ta kuzlihata! » kaʼa, ŋa nzakwa ni manda ya nda vinda ma defteri.

Nghay Yesu ta ma ni, kəʼa kəʼa ná, wya tsa duhwal ta ɗvu tsi ya ta sladu ta vata ni. Kaʼa mantsa: « Ma! Wya zwaŋa gha, » kaʼa. « Wya ma gha! » kaʼa nda tsa duhwal ya guli. Daga ma tsa fitik ya, ka klaghatá tsa duhwal ya da taŋ.

Ta lagha həŋ ta Yesu, kəʼa ka həŋ ná, nda ghada mtata ni. Ka zlaŋtá həŋ ta ɓalanaptá səlaha ni. Ka sliglanavatá sani ma tsa sludziha ya ma ŋwazliɓ nda gupa ni, ka gi mbəzagaptá us nda imi.

Maga maga tsa skwiha ya mantsa, ŋa nzakwa ni manda ya nda vinda ma defteri kazlay: Haɗ ghudzifa ni dzaʼa ɓlanapta lu dər turtuk wu kəʼa ya. Ka lu vindafta ma sana vli guli ná, « dzaʼa nghanava ngha həŋ ta tsa mndu sliglanava həŋ nda gupa ya » kəʼa.

Ka klə *Yesu ta udzu ŋa zləŋa ghəŋa ni, ka sabi ma huɗa luwa ŋa dzaʼa da sana vli ta hgə lu ka « vla ghudzifa ghəŋ. » « Gwalgwata » ta hga lu ta tsa vli ya nda gwaɗa *Hebru.

Lagha la sludzi ka ɗaftá teki, ka fanamta ma ghəŋ manda zewzewa, ka suɗanavatá həŋ ta lguta má mgham mgham ka dva guli.