Yuh 19

1Tahula tsa, klagaghawa tsa *Yesu ya ka sləvapta kuni nda krupi, ka Pilat. 2Lagha la sludzi ka ɗaftá teki, ka fanamta ma ghəŋ manda zewzewa, ka suɗanavatá həŋ ta lguta má mgham mgham ka dva guli. 3« Zgu tsa ŋa gha mghama la Yahuda, » ka həŋ gavadaghata ta vata ni, ka dadgharay.

4« Ndana tama wana yu dzaʼa kləgaghunapta dzibil, kada grafta kuni kazlay: Slanagha a yu ta sana skwi prək ka dzatá na mndu na wu kəʼa, » ka Pilat səglap dzibil slanaghatá la Yahuda. 5Ka sab Yesu nda zewzewa teki ma ghəŋ, nda suɗatá lguta má mgham mgham ta vgha. « Wana tsa mndu ya, » ka Pilat nda həŋ. 6Na gi nghay la mali ta ghəŋa gwal dra skwi ŋa Lazglafta, nda gwal ta ngha həga Lazglafta, « zləŋaftá! zləŋaftá! » ka həŋ hlaftá wi. « Klawa kla kaghuni ka zləŋafta kuni, kabga slanagha a yu ta skwi ɗekɗek prək ka dzata wu, » ka Pilat nda həŋ. 7« Mamu zlaha ŋni. Ka tsa zlahu ya ná, dzata! kaʼa, kabga Lazglafta yu kəʼa fatá ghəŋa ni, » ka la Yahuda zlghanaftá wi. 8Snaŋta Pilat ta tsa gwaɗa ya, ka ksəglaftá zləŋ katakata, 9Ka lam tsi da daɓa həga. « Sagha ga ka na? » kaʼa ɗawaŋta da Yesu. Sew zlghanaf a Yesu ta wa ni wa. 10« Zlgha a ka ta wa ɗa wu? sana a ka kazlay: Laviŋ lava yu ta zlighista, laviŋ lava yu ta zləŋaftá kagha kəʼa wu ra? » ka Pilat nda tsi. 11« Haɗ sana skwi laviŋ ka ta ghəŋa iʼi, ka ya vlagha Lazglafta a tsi wa. Tsaya kəl dmakwa tsa mndu ta vlatá iʼi ma dzva gha ya, ka malaghutá ŋa gha dmaku, » ka Yesu nda tsi.

12Hada tama, ka zbə Pilat ta tvi ŋa zliŋta. « Ka zliŋ zla ka ta tsəna mndu na ná, gra Sezar a ka wa. Ka mgham a iʼi ra, ka mndu guli ná, ghuma mgham Sezar tsa mndu ya, » ka la Yahuda. 13Snaŋta Pilat ta tsa gwaɗaha ya, « kladapwa kla ta Yesu dzibil, » kaʼa. Ka nzaftá tsi ta vla tsa guma ma sana vli ta hgə lu ka Pave. Tsa Pave ya, Gabasla ta hga lu nda gwaɗa *Hebru. 14Mahtsim skala Pak ka lu, ta ghwanə a fitik ma ghəŋ wu, ka Pilat nda la Yahuda mantsa: « Wyawa mghama ghuni, » kaʼa. 15« Ŋa dzatá! Ŋa dzatá! Zləŋafta ta udzu » ka həŋ hlaftá wi. « Ka zləŋaghunafta yu ta mghama ghuni ta udzu? » ka Pilat nda həŋ. « Haɗ sana mghama ŋni ta ghəŋa Sezar wu, ka la mali ta ghəŋa gwal dra skwi ŋa Lazglafta. » 16Lagha Pilat ka vlaŋtá həŋ ta Yesu ŋa zləŋafta ta udzu.

Dalafta la sludzi ta Yesu ta udza zləŋay

Mat 27:32-44, Mak 15:21-32, Luk 23:26-43

Ka tsuʼuwaghutá həŋ ka klaghata. 17Ka klə *Yesu ta udzu ŋa zləŋa ghəŋa ni, ka sabi ma huɗa luwa ŋa dzaʼa da sana vli ta hgə lu ka « vla ghudzifa ghəŋ. » « Gwalgwata » ta hga lu ta tsa vli ya nda gwaɗa *Hebru. 18Ma tsa vli ya zləŋafta həŋ ta Yesu ta udzu. Ka zlaŋanavatá həŋ ta sanlaha ma mnduha his guli ta vata Yesu, ma takataka ka həŋ zləŋamtá Yesu. 19Vindafwa vinda ta skwi ka fagata kuni ta ghəŋa tsa udzu ya, ka Pilat. « Yesu mnda la Nazaret mghama la *Yahuda, » ka lu vindafta. 20Nda ndəgha la Yahuda ta dzaŋaftá tsa skwi vindaf lu ya, kabga ndusa nda luwa tsa vli zləŋaf lu ta Yesu ya. Nda gwaɗa Hebru, nda gwaɗa Lateŋ, nda gwaɗa *Grek vivindafta lu ta tsa skwi ya. 21« Má vinda a ka kazlay: Mghama la Yahuda kəʼa wa. “Iʼi mghama la Yahuda” kaʼa, ka ka má vindafta, » ka la mali ta ghəŋa gwal dra skwi ŋa Lazglafta mataba la Yahuda nda Pilat. 22« Skwi ghada iʼi ta vindafta ná, nda vinda, » ka Pilat zlghanaftá wa ni ta həŋ.

23Tahula zləŋafta la sludzi ta Yesu ta udzu, ka hlaftá həŋ ta lgutha ni, ka daganapta fwaɗ ta həŋ ta həŋ. Ka klaftá həŋ ta sɗakw ni ya gaf lu mantsa daga ta ghəŋ dikw ta haɗik kul haɗ iri tida ya guli. 24« Ma kwahanap mu ta na sɗakw na, vzamavza ta vindima ŋa ngha mndu dzaʼa zuta, » ka la sludzi mataba hahəŋ hahəŋ. Tsa skwi maga la sludzi ya ná, maga maga həŋ manda skwi nda vinda ma defteri kazlay:

Ka daganaptá həŋ ta lgutha ɗa,

ka vzə həŋ ta vindima ta ghəŋa sɗakw#19:24 Ngha ta Zabura 22:19. ɗa kəʼa ya,

tsaya skwi maga la sludzi.

25Ndusa nda tsa vli zləŋaf lu ta Yesu ya, ka sladaktá i ma ni, nda makuma ni ma ma ni, nda Mari markwa Klupas, nda Mari makwa ta luwa Magdala. 26Nghay Yesu ta ma ni, kəʼa kəʼa ná, wya tsa duhwal ta ɗvu tsi ya ta sladu ta vata ni. Kaʼa mantsa: « Ma! Wya zwaŋa gha, » kaʼa. 27« Wya ma gha! » kaʼa nda tsa duhwal ya guli. Daga ma tsa fitik ya, ka klaghatá tsa duhwal ya da taŋ.

Mtakwa Yesu

Mat 27:45-56, Mak 15:33-41, Luk 23:44-49

28Tahula tsa, manda snaŋta *Yesu kazlay: Nda kɗa inda skwi tama kəʼa, « ndala ta kuzlihata#19:28 Ngha ta Zabura 22:16, 69:22.! » kaʼa, ŋa nzakwa ni manda ya nda vinda ma defteri. 29Tsaw ma tsa vli ya, mamu wuda ima inabi masmasa. Ka sliʼaftá sana sludzi ka klaftá susu, ka tsughumamta ma tsa ima inabi masmasa ya, ka hbuŋta ta wa dafa, ka tsghadafta fuŋta ta wa wubisima Yesu. 30« Nda dza ghəŋa inda skwi tama, » ka Yesu tapanar tsi ta tsa ima inabi masmasa ya. Ka dzagatá tsi ta ghəŋ, ka sab hafu mida.

Sliglatá Yesu

31Baɗu luma madagala ŋa gi lam da *Sabat magakwa tsa skwi ya. Va a la mali mataba la *Yahuda ta slanaghata Sabat ta tsa mnduha ya ta udzu wa. Tsa Sabat ya ná, sana mghama fitik ya. Ka sliʼaftá həŋ ka laghu da ɗaway da Pilat ŋa ɓalanaptá səlaha taŋ ŋa hligiŋtá həŋ ta udzu. 32Ka lagha la sludzi da ɓalanaptá səlaha tsa mnduha his zlaŋanava lu ta vata *Yesu ya. 33Ta lagha həŋ ta Yesu, kəʼa ka həŋ ná, nda ghada mtata ni. Ka zlaŋtá həŋ ta ɓalanaptá səlaha ni. 34Ka sliglanavatá sani ma tsa sludziha ya ma ŋwazliɓ nda gupa ni, ka gi mbəzagaptá us nda imi. 35Tsəna mndu ta vinda na skwiha ta maguta na ná, nda ngha tsatsi nda ira ni. Kahwathwata gwaɗa ni guli. Nda sna tsatsi kazlay: Kahwathwata ta mnə tsatsi kəʼa. Mnay ta mnə tsi ná, kada zlghafta kaghuni guli. 36Maga maga tsa skwiha ya mantsa, ŋa nzakwa ni manda ya nda vinda ma defteri kazlay: Haɗ ghudzifa ni dzaʼa ɓlanapta#19:36 Ngha ta Sabi 12:46, Mbsak 9:12, Zabura 34:21. lu dər turtuk wu kəʼa ya. 37Ka lu vindafta ma sana vli guli ná, « dzaʼa nghanava ngha həŋ ta tsa mndu sliglanava#19:37 Ngha ta Zakari 12:10. həŋ nda gupa ya » kəʼa.

Paɗamtá Yesu

Mat 27:57-61, Mak 15:42-47, Luk 23:50-56

38Tahula tsa, mamu sana mnda la Arimate ta hgə lu ka Yusufu, ta nzakway ka duhwala *Yesu makɗekmakɗek kabga zləŋa la *Yahuda. Ka sliʼaftá tsi ka laghu ɗawaftá mbla Yesu da *Pilatus. Ka zlanaŋtá Pilat ta tvi, ka lagha tsi klaghatá tsa mbla Yesu ya. 39Ka lagha Nikwademu, tsa mndu si ta lagha da slanaghatá Yesu girviɗik ya kay. Ka lagha tsi nda klatá laɓatá urdi ka hpuhpu ta hgə lu ka Mur nda Alwes. 40Ka klaftá həŋ ta mbla Yesu, ka masanavatá rɗi ka urdi, ka mbsamtá həŋ ma wupay manda ya snu la Yahuda ta magay ta paɗə həŋ ta mnda taŋ. 41Tsaw ma tsa vli kəl lu ka zləŋafta ya, mamu sana gam. Ma tsa gam ya, mamu kulu ta ka lfiɗ ta kul walaŋta lu ta paɗamtá mndu mida. 42Ndusa nana, ka həŋ ka paɗamtá Yesu ma tsa klu ya, kabga tsaya fitik ta kəl la Yahuda ka paya vgha ŋa lami da *Sabat.

Currently Selected:

Yuh 19: xed

Highlight

Copy