Popular Bible Verses from Yuh 21

Share

Tahula zuta taŋ ta skwa zay, ka *Yesu mantsa: « Simuŋ zwaŋa Yuhwana! Ɗvu ɗva ka ta iʼi, ka malaghutá ŋa nanaha na ra? » kaʼa ɗawaŋta da Simuŋ *Piyer. « Aŋi Mghama ɗa, nda sna kagha kazlay: Ta ɗvay yu ta kagha kəʼa, » kaʼa zlghanaftá wa ni. « Ka ngha ka ta zwana tuwakha ɗa, » ka Yesu nda tsi. « Simuŋ zwaŋa Yuhwana! Ɗvu ɗva ka ta iʼi? » ka Yesu nda tsi ka mahis. « Aŋi Mghama ɗa! Nda sna kagha kazlay: Ta ɗvay yu ta kagha » kəʼa, ka Piyer nda tsi. « Ka ngha ka ta tuwakha ɗa, » ka Yesu nda tsi. « Simuŋ zwaŋa Yuhwana! Ta ɗvay ka ta iʼi? » kaʼa nda tsi ka mahkən. Ka kuzlanaftá tsi ta Piyer ta ŋuɗuf na tsa ɗaway Yesu ka mahkən kazlay: Ta ɗvay ka ta iʼi ra kəʼa ya. « Mghama ɗa, nda sna kagha ta inda skwi, nda sna kagha guli kazlay: Ta ɗvay yu ta kagha kəʼa, » kaʼa nda tsi. « Ka ngha ka ta tuwakha ɗa, » ka Yesu nda tsi.

« Kahwathwata ka yu ta mnaghata, ma fitika nzakwa gha ka duhwal, kagha ka ghəŋa gha ta hba ɓanava gha misti, ka dzaʼa gha da vli ta kum ka. Ka hwaluhwala ka, dzaʼa pgha pgha ka ta dzvuha gha ŋa nzɗaghafta sana mndu ta ɓanava gha, ka kla kagha da vli kul kum ka ta dzaʼa, » kaʼa.

« Wuɗadawa kadəŋa ghuni ta slərpa kwambalu nda ga zeghwi ya, dzaʼa mutsay kuni, » kaʼa nda həŋ. Ka wuɗadatá həŋ. Ka traptá həŋ ta tɗagafta kabga ndəghata ni nda klipi.

« Dzaʼa tuma klipa ɗa yu, » ka Simuŋ Piyer nda həŋ. « Nda sliʼa aŋni mista gha guli, » ka hahəŋ guli nda tsi. Ka sliʼaftá həŋ ka laghu, ka lam həŋ da kwambalu. Kurzliŋ hana taŋ ndiri baɗu tsa, ksaf a həŋ ta klipi dər ka turtuk wa.