Popular Bible Verses from Luk 3

Share

Manda ya ta maganafta Yuhwana ta batem ta mnduha, ka lagha *Yesu ka maganaftá lu ta batem guli. Ta ndəɓu tsi ta dzvu, ka gunatá luwa buwaŋ, ka saha Sulkum nda ghuɓa ta ghəŋa ni manda ghərbuʼ ta nghə mnduha. Mantsa, ka snaku lwa Lazglafta daga ta luwa ta mnay kazlay: Kagha Zwaŋa ɗa ɗvu yu ma hya hya ŋuɗufa ɗa, kaʼa.

Kaʼa nda həŋ mantsa: « Iʼi ná, nda imi ta magaghunafta yu ta batem, ama mamu mndu ta sagha ta malaghutá iʼi nda mbraku. Slaghu a iʼi ka pliŋtá zuʼa ɓaɓaha ni wa. Tsatsi, dzaʼa magaghunaf maga ta batem nda Sulkum nda ghuɓa nda ya nda vu.

Magawa maga ta slna ya ta maraŋta mbəɗatá nzakwa ghuni, ka zlaŋta kuni ta mnay ma ghəŋa ghuni kazlay: Abraham ná, dzidza ŋni ya, kəʼa. Ka yu ta mnaghunata ná, laviŋ lava Lazglafta ta nanaftá ya palaha ya ka zwana Abraham.

Ɗaswa ka kuni! Nda ghada kapatá slpaɗa ŋa tsiŋtá fu daga ta slrəŋ. Inda fu ya kul zɗaku yakwa ni, dzaʼa tsiŋ tsa lu ka vzamta ma vu, » kaʼa.

Manda ya nda vinda ma deftera anabi Isaya kazlay: « Lwa tsa mndu ya ta snu lu ta gugɗaku ma mtak kazlay: payanawa paya ta tvi ŋa Mgham, ka leleʼanata kuni kəʼa. Ka saŋamta lu ta inda vli ka didiŋa, ka tasiŋta lu ta inda ghwá nda kuɗuŋurha, ka ɗayapta lu ta skwi ka ghuluŋuɗ, ka payanata lu ta huraɓasl ta tvi, ŋa nghaŋta inda mnda səla ta mbaku da Lazglafta. »