Popular Bible Verses from SPREUKE 29

Share

Jy stel vir jouself ’n slagyster as jy vir mense bang is. Jy beveilig jou lewe as jy op die HERE vertrou.

Wanneer ’n volk nie duidelikheid het oor die wil van God nie, verloor hulle koers. As hulle leef volgens sy wet is hulle gelukkig.

’n Dwaas bars uit in woede. Iemand wat wys is, hou homself in toom.

’n Pak slae en ’n teregwysing bring wysheid. ’n Kind wat aan homself oorgelaat is, steek sy ma in die skande.

Leer jou seun wat dissipline is en jy sal gerus wees oor hom. Hy sal jou vreugde verskaf.

’n Mens se hoogmoedigheid lei na vernedering. Iemand wat nederig is, ontvang uiteindelik eer.

’n Mens wat gou kwaad word, veroorsaak rusies. ’n Humeurige mens veroorsaak sonde.

Jy sien self daar is meer hoop vir ’n dwaas as vir iemand wat praat sonder om eers te dink.