Popular Bible Verses from Johana 12

Share

Ũrĩa wothe ũkwenda kũndungatĩra no mũhaka anũmĩrĩre, nĩ geetha harĩa ndĩ ndungata yakwa ĩrĩkoragwo ĩrĩ ho o nayo. Mũndũ o wothe ũndungatagĩra, nĩarĩheagwo gĩtĩĩo nĩ Awa.

Mũndũ o wothe ũrĩa wendeete muoyo wake nĩakaaũtee; ĩndĩ ũrĩa wothe ũthũũrĩĩte muoyo wake e gũũkũ thĩ nĩakaũtũũria muoyoinĩ wa tene na tene.

Ngũmwĩra na ma atĩ, mbegũ ya ngano ĩngĩaga kũgũa tĩĩriinĩ na ĩkue, ĩgũtũũra ĩ iiki. No ĩngĩkua, hĩndĩ ĩyo nĩgũciara mbegũ nyingĩ.

Niĩ njũkĩĩte ndĩ ũtheri wa thĩ, nĩ geetha mũndũ o wothe ũkũnjĩtĩkia ndakaae gũikara ndumainĩ.

Mũndũ angĩigua ciugo ciakwa na arege gũcirũmĩrĩra ndingĩmũtuĩra. Amu niĩ ndiokire gũtuĩra andũ, no ndookire kũhonokia andũ.

Naake Mariamu akĩoya cuuba yarĩ na maguta maanungaga wega ma goro mũno, agĩitĩrĩria Jesũ magũrũ, agĩcooka akĩmũgiria na njuĩrĩ yake. Naguo mũnungo mwega wa maguta macio ũkĩiyũra nyũmba yothe.

Magĩgĩkuua mathĩgĩ ma mĩkĩndũ, magĩthiĩ kũmũtũnga makĩanagĩrĩra atĩrĩ, “Hosana! Kũraathimwo nĩ ũrĩa ũgũũka na rĩĩtwa rĩa Mwathani! Kũraathimwo nĩ mũthamaki wa Isiraeli!”

Naake Jesũ akĩmeera atĩrĩ, “Ihinda nĩikinyu rĩa Mũrũ wa Mũndũ agoocithio.