Popular Bible Verses from Johana 13

Share

Na rĩu nĩngũmũhe rĩathani rĩerũ: Endanagaai mũndũ na ũrĩa ũngĩ. O ta ũrĩa niĩ ndĩmwendeete, o ũguo mwendanage mũndũ na ũrĩa ũngĩ. Mũngĩendana mũndũ na ũrĩa ũngĩ, hĩndĩ ĩyo andũ oothe nĩmarĩmenyaga atĩ mũrĩ arutwo aakwa.”

Angĩkorwo niĩ ndĩ Mwathani na Mũrutani wanyu, nĩndamũthambia nyaarĩrĩ, no mũhaka o na inyuĩ mũthambanagie mũndũ na ũrĩa ũngĩ. Gĩĩkĩ nĩ kĩonereria ndamũhe nĩ geetha o na inyuĩ mwĩkanage ũguo niĩ ndamwĩka.

Naake Jesũ akĩmũcookeria atĩrĩ, “Wee rĩu ndũramenya ũrĩa ndĩreeka, no nĩũrĩmenya thuuthainĩ.”

Ngũmwĩra na ma atĩ: ngombo ti nene kũrĩ mũmĩathi, kana mũtũmwo agakĩra mũmũtũmi.

Tondũ nĩmwarĩĩkia kũmenya maũndũ macio, nĩmũrĩgĩaga na kĩraathimo kĩnene rĩrĩa mũrĩmeekaga!

Kwoguo agĩgĩũkĩra, akĩruta nguo yake ya igũrũ agĩcooka akĩyoha taurũ njohero. Agĩcooka agĩĩkĩra maaĩ kĩraĩ akĩambĩrĩria gũthambia arutwo aake nyaarĩrĩ, akĩmagiragia na taurũ ĩyo eeyoheete njohero.