Popular Bible Verses from Luka 17

Share

Jesũ agĩcooka akĩĩra mũndũ ũcio atĩrĩ, “Ũkĩra wĩthiĩre; wĩtĩkio waku nĩguo wakũhonia.”

Angĩkwĩhĩria mũthenya ũmwe maita mũgwanja, na o akũhĩtĩria agooka agakwĩra atĩrĩ, ‘Nĩndahera,’ no mũhaka ũmuohere.”

Rĩrĩa ũmwe wao oonire atĩ nĩahonio-rĩ, akĩhũndũka akĩgoocaga Ngai na mũgambo mũnene, akĩĩgũithia magũrũinĩ ma Jesũ, akĩmũcookeria ngaatho. Mũndũ ũcio aarĩ Mũsamaria.

Nĩ ũndũ ũcio kĩĩmenyagĩrĩreei ciĩkoinĩ cianyu. “Mũrũ kana mwarĩ wa thooguo angĩĩhia, mũkaanie, na angĩhera, muohere.

Naake Jesũ agĩkĩanĩrĩra akĩũria atĩrĩ, “Ĩ githĩ ti andũ ikũmi matherio? Acio angĩ kenda-rĩ, me kũ?

Naake Mwathani akĩmacookeria atĩrĩ, “Korwo mwĩ na wĩtĩkio ũigana kabegũ ga karatarĩ, no mwĩre mũtĩ ũyũ wa mũkũyũ atĩrĩ, ‘Kũũrũka haaha ũkeehande iriainĩ!’ naguo no ũmwathĩkĩre.

Mũndũ o wothe ũrĩa ũgeragia kũhonokia muoyo wake, nĩakaaũtee, no ũrĩa ũteaga muoyo wake, nĩakaũhonokia.

Naake Jesũ akĩĩra arutwo aake atĩrĩ, “Maũndũ ma kũhĩnga andũ no mũhaka mooneke; no rĩĩrĩ, kaĩ ũrĩa ũtũmaga mooneke arĩ thĩĩnainĩ-ĩ! Mũndũ ũcio nĩ kaba oohererwo ihiga rĩa gĩthĩi ngingo aikio iriainĩ, handũ ha gũtũma kamwe ga twana tũũtũ keehie.

O ta ũrĩa kwahaanaga matukũinĩ ma Noa, noguo gũkaahaana matukũinĩ ma Mũrũ wa Mũndũ. Hĩndĩ ĩyo andũ maarĩaga na makanyua, na arũme makahikanagia, nao atumia makahĩkaga, nginyagia mũthenya ũrĩa Noa aatoonyire thabina, naguo mũiyũro wa maaĩ ũgĩũka ũkĩmaniina oothe.