Popular Bible Verses from Luka 18

Share

Jesũ agĩcooka akĩhe arutwo aake ngerekano ya kũmaruta atĩ no mũhaka mahooyage hingo ciothe mategũkua ngoro.

Githĩ o naake Ngai ndangĩgĩteithĩrĩria andũ aake arĩa mamũkayagĩra ũtukũ na mũthenya? No aage kũmateithĩrĩria na ihenya? Ngũmwĩra na ma atĩ no amateithĩrĩrie na ihenya mũno. No rĩĩrĩ, rĩrĩa Mũrũ wa Mũndũ agooka-rĩ, nĩagaakora andũ meetĩkĩĩtie gũũkũ thĩ?”

Naake Jesũ akĩmacookeria akĩmeera atĩrĩ, “Maũndũ marĩa matangĩhoteka nĩ andũ nĩmahotagwo nĩ Ngai.”

Mũciirithania ũcio nĩaikarire matukũ maingĩ aregeete kũmũteithia, no mũthenya ũmwe nĩeĩrire na ngoro atĩrĩ, ‘O na gũtuĩka ndĩtĩĩĩte Ngai kana andũ-rĩ, nĩngũteithia mũtumia ũyũ nĩ ũndũ wa ũrĩa athĩĩnĩĩtie. Nĩ ũndũ-rĩ, wona ndaaga kũmũteithia egũtũũra ookaga gũũthĩĩnia.’ ”

Ngũmwĩra atĩrĩ na ma, mũndũ o wothe ũtaamũkagĩra Ũthamaki wa Ngai ta kaana, ndakaũtoonya.”

No Jesũ agĩĩta twana tũu akiuga atĩrĩ, “Rekeei twana tũũke kũrĩ niĩ. Tigaai gũtũgiria, nĩ ũndũ Ũthamaki wa Ngai nĩ wa arĩa matariĩ ta tuo.

Naake Jesũ akĩmwĩra atĩrĩ, “Gĩcooke kuona! Gwĩtĩkia gwaku nĩkuo gwatũma ũhone.”

Naake Jesũ akĩmũũria atĩrĩ, “Ũkũnjĩta mwega nĩkĩ? Gũtirĩ mũndũ mwega tiga o Ngai.