Popular Bible Verses from Yauhaa 15

Share

Kuv yog lub hauv paug txwv maab, mej yog cov ceg. Tug kws nyob ruaj rua huv kuv hab kuv nyob huv nwg, tug hov yuav txw txwv ntau. Yog mej ncaim ntawm kuv lawm mej yuav ua tsw tau ib yaam daabtsw le.

Mej ca le nyob ruaj rua huv kuv hab kuv yuav nyob rua huv mej. Tug ceg kws nyob ib caag yuav txw txwv tsw tau, tsuas yog koom lub hauv paug txhad txw tau. Mej kuj ib yaam nkaus, yog mej tsw nyob ruaj rua huv kuv, mej yuav txw txwv tsw tau.

“Yog mej nyob ruaj rua huv kuv hab kuv tej lug nyob ruaj huv mej lawm, mej ca le thov yaam twg kws mej xaav yuav mas mej yuav tau yaam ntawd.

Mej tsw tau xaiv kuv tassws kuv xaiv mej hab tsaa mej kuas moog tawg paaj txw txwv hab ua rua tej txwv hov yuav nyob moog le, sub thaus mej tuav kuv lub npe thov ib yaam daabtsw ntawm leej Txwv, nwg txhad pub yaam hov rua mej.

Tsw muaj txujkev hlub luj dhau txuj nuav lawm, yog qhov kws ib tug tso txujsa thij nwg cov kwvluag.

Txhua ceg huv kuv kws tsw txw txwv nwg yuav muab txav pov tseg, hab txhua ceg kws txw txwv nwg yuav muab taav kuas yimfuab txw ntau heev.

“Kuv nkaw lug tseg rua mej tas mej ib leeg yuav tsum hlub ib leeg ib yaam le kuv hlub mej.

Yog mej tawg paaj txw txwv ntau txhad ua kuv le thwjtim, qhov ntawd yuav ua rua kuv leej Txwv tau koob meej.

“Kuv yog tsob tseem txwv maab, hab kuv leej Txwv yog tug kws tu.

Yog leejtwg tsw nyob ruaj rua huv kuv, tug hov yuav raug muab txav pov tseg ib yaam le tej ceg hab yuav qhuav taag. Tej ceg hov yuav raug muab sau moog nrum rua huv suavtawg hlawv kub nyab taag.

Kuv has tej nuav rua mej lawm sub kuv txujkev xyiv faab txhad nyob huv mej hab mej txhad muaj txujkev xyiv faab puv npo.

Yog mej tuav rawv kuv tej lug nkaw mej kuj nyob ruaj rua huv kuv txujkev hlub ib yaam le kuv tuav rawv kuv Txwv tej lug nkaw hab nyob ruaj huv nwg txujkev hlub.

Tej kws kuv nkaw lug tseg rua mej nuav yog qhov kws ib leeg yuav tsum hlub ib leeg.

Yog mej ua tuabneeg nplajteb, lub nplajteb yeej yuav hlub cov kws yog nplajteb le. Vem mej tsw yog tuabneeg nplajteb, tsua qhov kuv tub xaiv mej tawm huv lub nplajteb lawm, vem le nuav lub nplajteb txhad ntxub mej.