Popular Bible Verses from Yauhaa 16

Share

Kuv has tej nuav rua mej sub mej txhad nyob kaaj sab lug huv kuv. Mej yuav raug kev txom nyem nyuaj sab huv lub nplajteb nuav tassws mej ca le ua sab tuab. Kuv tub kov yeej nplajteb lawm.”

Thaus Vaaj Ntsuj Plig kws qha qhov tseeb lug lawm nwg yuav coj mej moog txug qhov tseeb huvsw. Nwg yuav tsw has lawv nwg lub sab xwb, nwg yuav has tej kws nwg tau nov hab nwg yuav qha mej paub txug tej kws yuav tshwm lug.

Txug taav nuav mej tub tsw tau tuav kuv lub npe thov ib yaam daabtsw. Ca le thov mas mej yuav tau sub mej txhad muaj kev xyiv faab kawg nkaus.

Tassws kuv qha qhov tseeb rua mej. Qhov kws kuv ncaim moog hov yuav muaj nuj nqes rua mej. Yog kuv tsw moog, tug kws taw qha yuav tsw lug cuag mej. Tassws yog kuv moog lawm, kuv yuav khaiv nwg lug cuag mej. Thaus nwg lug lawd nwg yuav ua rua lub nplajteb paub tseeb txug lub txem hab txujkev ncaaj nceeg hab qhov kws teem txem.

Ib yaam le ntawd nwgnuav mej muaj kev nyuaj sab, tassws kuv yuav rov pum mej dua hab mej lub sab yuav xyiv faab, tsw muaj leejtwg yuav txeeb tau mej txujkev xyiv faab moog. Nub ntawd mej yuav tsw nug kuv ib yaam daabtsw lawm. Kuv has tseeb rua mej tas yog mej tuav kuv lub npe thov leej Txwv ib yaam daabtsw, nwg yuav pub yaam ntawd rua mej.

Kuv has tseeb rua mej tas, mej yuav quaj hab quaj ntsuag, tassws lub nplajteb yuav xyiv faab. Mej yuav nyuaj sab, tassws mej txujkev nyuaj sab yuav ntxeev ua kev xyiv faab.