Popular Bible Verses from Yann 19

Share

P’en doe Jezuz kemeret ar gwinegr, e lavaras: Peurc’hraet eo! Hag, o vezañ pleget e benn, e rentas e Spered.

Goude-se, Jezuz, o welout penaos e oa kaset holl da benn, a lavaras, evit ma vije peurc’hraet ar Skritur: Sec’hed am eus.

Jezuz eta, o welout e vamm hag en he c’hichen an diskibl a gare, a lavaras d’e vamm: Gwreg, setu da vab. Neuze e lavaras d’an diskibl: Setu da vamm. Hag adalek an eur-se, an diskibl a gemeras anezhi en e di.

Met pa zeujont da Jezuz, o welout e oa dija marv, ne dorrjont ket dezhañ e zivhar. Hogen unan eus ar soudarded a doullas e gostez dezhañ gant ul lañs, ha kerkent e teuas anezhañ gwad ha dour.

Kement-se a erruas evit ma vije ar Skritur peurc’hraet: E eskern ne vint ket torret. Hag e lec’h all ar Skritur a lavar c’hoazh: Gwelout a raint an hini o deus toullet.

O tougen e groaz, e teuas el lec’h anvet: Ar C’hlopenn, hag a zo galvet en hebraeg Golgota.

Ar soudarded, o vezañ gweet ur gurunenn spern, a lakaas anezhi war e benn. E wiskañ a rejont gant ur vantell limestra