Popular Bible Verses from Yoni 13

Share

Tu vehimeya ivaguna ganavelemi. Taumiyao agaimiya wanave'ahawahawahega. Iya omi fa'imiya gahawahegeku amine, taumiyao agaimiya wanave'ahawahawahega. Au hidede amine gavehimeyemi. Ka'i taumiyao agaimiya wanave'ahawahawahega, au huluvai-nadi againe kaliva moya'aidi hinahalamanena hinagayo, Wona velemona badi Yesu ana tomuliya.” Hidedemi Yesu gigahe.

Ada Iya'eku yami Tovehawala yami Kaiwabu agemi gakolana vaita agetoga amine fa'ina, meda omi amifaiweya wadahuluva, agemi wadave'a'ikolakola. Au dewa hagihagina gavehawalemi be omi taumiyao hidede amine wanahuluva fa'ina. Omi agaimiya Iya gahuluva amine, kadu omi wanahuluva.

Yesu gigayo, “Adamoya hida yaku huluva ana nuwanuwa keke udahalamaneni tu aimo tova mulina nuwa ginamahalina againe unahalamanena.”

Yaubada gihalamaneku tu gagahegahe, agetoga yana tovehimeya keke gidakaiwabuhegeni, kadu tovenuwa'ata bana gi'iveninisena-ma keke gidakaiwabuhegeni.

Au hida yaku dewa ana nuwanuwa ahe wahalamanena. Ka'i hida nuwanuwa wanadibumuhigena digo, yami vemwamwala gavatubuga wananuhagana.” Au hidemi ve'agetoga fa'ina Yesu gigahe.

Hidedemi gihalamanena tu tolama againe a'au'a-ma gitowamidi, ana aikeva givehalilina digo sawelo dobone gihifo tu nau'a againe gufa gihiwana, au givebutu vaita agetoga amine ime ana tomuliyamomo agema gikolana digo sawelo dobone gihifona-ma againe giluvehavehayana.