Popular Bible Verses from Ñwaè' Joân 4

Share

Nyʉ̀ yu yʉ'. Banɛ bèe ce a ce loo nè ye a be kù loo à yʉ' ker ba à mini.”

Nfè' ce vʉ̀, nfè' anà à ghɛɛte sè'ni na, ce ŋgǎa rloo ce mini a be loo nè Tàr à yʉ' ker ba à mini. A njɛ̀ɛ ŋgǎa rloo ce Tàr e kòŋ.

Ŋwɛ̀ à ka' no mdip ce à fa mɛ̀ a fa ye, àde' ntee mdip yi ker luu ye à nfè' mò' ka'. Mdip ce m be fa ŋgàŋ mi be ba nè ye àmbò rdip ce li be ce fʉʉ à nfè' wɛɛwɛ, gèe tɛ e koni ryòŋ ce nfesè.”

Jisòs à beesì a laa nè ye enɛ̂, “Wɛ̀ ba riŋ yuu ce Nyʉ̀ e ke fa nè bèe, ker riŋ njɛ̀ɛ ŋwɛ̀ ce e ce loo mdip ese wɛ̀ tɛ e bo no, à ba loo ba wɛ̀ enɛ e fa wɛ̀ mdip ce mi ke mì ka', tɛ e fa wɛ̀ mdip anà.”

Jisòs à laa nè wowèe enɛ̂, “Wa byee yu enɛ m gee yuu ce Nyʉ̀ ce e m tuu mɛ̀ kòŋ, ker misi rfà' ce e m fa nè mɛ̀.

Njeŋwɛ̀ anà à laa enɛ̂, “Yà tâ, rdip rtuŋ ca li coomi sê. À tʉr yuu ce à be tu' mdip àgho ka', banɛ à be tu' mdip ce mi ke mì ka' efɛ?

Njeŋwɛ̀ anà à laa nè ye enɛ̂, “Mɛ̀ rìŋ mɛnɛ Mɛ̀sayà ce a too enɛ Krǎis nà be vʉ̀. E be vʉ̀ tɛ e suŋ sèe buu wɛɛwɛ.” Jisòs à laa nè ye enɛ̂, “Mɛ̀ ce m ce làa nè wɛ̀ na, a mɛ̀ ŋwɛ̀ anà.”

“Vʉ̀ nè vʉ yɛ ŋwɛ̀ ce e suŋ mɛ̀ buu wɛɛwɛ ce mɛ̀ m ce gèe. Seemò' ŋwɛ̀ anà a Krâis.”