Popular Bible Verses from Ñwaè' Joân 5

Share

“M ce suŋ wèe nè mini-ŋwɛ̀ enɛ ŋwɛ̀ ce e ka' yu' ya nlàa, byemi nè ŋwɛ̀ ce e m tuu mɛ̀, banɛ ŋgàŋ be koni ryòŋ ce nfesè. A be sa' ŋwɛ̀ anà ka' njobè' rkwe li kèr tʉr ŋger mbe yě ndù ka'. Ŋgàŋ be cu ntèe.

Jisòs à ka' vʉ̀ bà' a yɛ àmbò ŋwɛ̀ anà nòŋ. E m rìŋ enɛ ŋwɛ̀ anà à m yaŋ nfè' njìsàp sê. E laa nè ye enɛ̂, “Wɛ̌ kòŋ à rlùŋ efa yo yaŋ ca a?”

Wèe ce yɛ'ni Ŋwǎ' Nyʉ̀ njobè' wèe ce kwà'shi enɛ yi be gèe tɛ wèe koni ryòŋ ce nfesè. Ku ba ŋwà' anà ce yi ce suŋ àmbò mɛ̀. Geewa'a, wèe à ku kani ye yu à rvʉ̀ yɛ mɛ̀ tɛ wèe bo koni ryòŋ.

Jisòs à laa nè ye enɛ̂, “Nàti mbekì, lor lo rwàa ce dû.” Ŋwɛ̀ anà à ku luŋ à nfè' anà a lor li rwàa a ce dù. Nòŋ ce Jisòs à m gèe ŋwɛ̀ anà e luŋ efa yi yaŋ anà, à m ba nyʉ̀ mmbomntaa Nyʉ̀.

Jisòs à beesì a laa nè bèe anà enɛ̂, “M ce suŋ wèe nè mini-ŋwɛ̀ enɛ àde' Muu gee yuu nè yi tu ka'. Àde' e gee ba yuu ce e yɛ Tàr à ce gèe. Yuu ce yì Ta e ke gèe, a yuu ce ye ye e ke gèe.