Popular Bible Verses from Luka 7

Share

Mayun n dana wu, a̱yi vuza vu unushi ɗa ka̱u, amma a cinukpaka yi ta̱ n u ɗa ra̱ka̱, adama a na u ciga mu ta̱ ka̱u. Amma vuza na baci a cinukpakai kenu, wi ta̱ o kuyotsongu ucigi kenu.” Ɗaɗa Yesu u danai vuka va, “A cinukpaka wu ta̱ n unushi u nu.”

Yesu u danai vuka va, “Uneki u ka̱ɗu u nu wi isa wu ta̱. Wala m ma̱ta̱na̱.”

Ana u shamgbai ɗevu n ene e Yesu a̱ ma̱shi, ɗa kujilya ku ni ku ɗa̱kpa̱i e ene a. Ɗa ta na wu urasai ku ɗa n ka̱nji ka̱ ni, n wo oɓongushi, ɗa u tsungi a ɗa maniꞋin.

I ɗaɗa i zuwai ɗa n ɗikai ka̱ci ka̱ va̱ vuza ba, ali m kpa̱ɗa̱i kuta̱wa̱ wa̱ nu. Avu dansa koci, kagbashi ka̱ va̱ ki ta̱ o kupotso. Mpa feu mi ta̱ a̱ ka̱ca̱pa̱ ka vuza, mi ta̱ kpamu n osoji a na i ka̱ca̱pa̱ ka̱ va̱. N dana baci vuza nam pa, ‘Wala!’, ka̱ta̱ ta na u wala. A̱yi na kpamu, ‘Ta̱wa̱!’, ka̱ta̱ u ta̱wa̱. N tsu dana ta̱ kagbashi ka̱ va̱, ‘YaꞋan na!’, ka̱ta̱ ta na u yaꞋan i ɗa.” Ana Yesu u panai nannai, ɗa u yaꞋin mereve, ɗa u kpatalai ɗa wi indai koɓolo ka uma ka, ɗa u danai, “N dana ɗa̱, ka̱ta̱ n saꞋwa kene uneki u ka̱ɗu tsu nan lo ko a̱ ubuta̱ wi Israila ba.”

A ayin a nan lo a ɗa, Yesu u potsokpoi uma n a̱bunda̱i nu mbanaki kakau, n u lokoi wunla̱i u gbani-gbani, n u paɗukpai a̱yimba̱. Ɗa wu ushuki aza a na u suki va, “Banai i dana Yahaya ili i na ye enei ɗa kpamu i panai: A̱yimba̱ e enei, nkutsuma̱ n walai, nkutu feu m potsoi, agulani dem a panai, a̱kpisa̱ a̱ ɗenga̱i n wuma, kadanshi ka̱ Ka̱shile ka yawai wa aza a unambi.