Popular Bible Verses from Luka 8

Share

IcuꞋu i na i yikpa̱i a iɗika i singai, i ɗaɗa agisana aza a̱ a̱ɗu a singai. A panai kadanshi ka̱ Ka̱shile, ɗa a̱ ka̱na̱i kaꞋa mayin. Ɗa a̱ ka̱na̱i kutono kaꞋa mayin n ka̱ɗu ke te. Ɗa a gbamai asuvu ali ɗa a matsai n a̱bunda̱i.”

IcuꞋu i na i yikpa̱i a̱ ubuta̱ wa awana, ele ɗa aza a na a panai. Amma awuya, n uciyi, n kupana ku uyoꞋo ku wuma ku nam pa ku uwai ɗa ku u kparasai le. IcuꞋu i le i kutsa an ya yawa kukyaꞋa ba.

I na i yikpa̱i a kagbata ka i ɗaɗa, aza a na a panai kadanshi ka̱ Ka̱shile. Ɗa a̱ ushuki n kaꞋa m moloko m ma̱za̱nga̱, amma a zuwa aralu ba. Ayin kenu a na baci atakaci a̱ ta̱wa̱i, a ci shamgba ba.

Ɗa we ecei le, “Te ɗai uneki wa̱ a̱ɗu u ɗa̱ wi?” Amma ɗa wovon u ka̱na̱i le m mereve, ɗa a̱ ka̱na̱i mecenshenei, “Vuma vi iya̱n ɗai nannai? Ali a kuɓarangu wunla̱i n aɓau, ɗa ta na a panakai ni.”

I na i yikpa̱i a uye, ele ɗa aza a na a panai kadanshi ka̱ Ka̱shile. Ɗa Kalijani ka̱ ta̱wa̱i, ɗa ka̱ fa̱ba̱na̱i kaꞋa a̱ a̱ɗu e le, adama a na ta lo e neke a̱ɗu e le ka̱ta̱ a̱ ciya̱ wishi.

Ili i na baci yi usokongi dem, i ɗa yi ta̱ a̱ kuta̱ e keteshe. Ili i na yi upali dem, a̱ uta̱ka̱ i ɗa a̱ ubuta̱ u kutashi, ka̱ta̱ e ene i ɗa.

Ana vuka va vi yevei i ta̱ e kuyeve yi, ɗa wu uta̱i, ikyamba e kujeꞋe. Ɗa u kuɗa̱ngi u Yesu, e kelime ka uma lo dem. Ɗa u danai Yesu ili i na i zuwai ɗa u saꞋwai kuminya ku ni, n uteku u na kpamu u potsoi. Ɗa Yesu u danai ni, “Mekere ma̱ va̱, uneki u ka̱ɗu u nu u ɗa u ta̱na̱ta̱ngi nu. Laza m ma̱ta̱na̱.”

Ɗa a banai adama a na a̱ ɗengusa̱ yi. Ɗa a danai, “Vuzagbayin, Vuzagbayin! A̱tsu ɗa na ɗevu n ukpa̱!” Ɗa Yesu u ɗenga̱i, u ɓarangi wunla̱i n aɓau, ɗa a shamgbai. Ɗa ubuta̱ dem wo okpoi bini.