Popular Bible Verses from Luka 9

Share

Ɗa u danai le dem, “Vuza na baci u cigai kutono mu dem, sai u iwan ka̱ci ka̱ ni ka̱ta̱ u ɗika kpamu maɗanga ma atakaci ma̱ ni, adama a na u tono mu ayin dem.

Aza a na baci i a kuciga a kisa wuma u le, i ta̱ a kunamba u ɗa. Aza a na baci a iwain wuma u le adama a̱ va̱, i ta̱ a̱ kuciya̱ u ɗa.

Ɗa Yesu u danai ni, “Vuza na baci u remei ma̱ba̱ri ma anaka a kunima, ɗa u ka̱na̱i kula̱na̱ kucina̱, wi a kuyaꞋan ili i ma̱riki a̱ ubuta̱ u tsugono tsu Ka̱shile ba.”

Vuza u ciya̱ baci ili ya aduniyan dem, ɗa u nambai wuma u ni, yi ɗa̱i u kuciya̱?

Uma i baci a kupana wono u va̱ n kadanshi ka̱ va̱, mpa Maku ma Vuma feu mi ta̱ a kupana wono u le, ayin a na baci m bonoi na n tsugbayin tsu va̱, n tsugbayin tsu Dada n tsa alingata a ciɗa.

Yesu u danai ni, “Iranji yi ta̱ n angu, nnu kpamu i ta̱ n cikinda, amma mpa Maku ma Vuma† mi n ubuta̱ u na n kuzuwa kaci ka̱ va̱ ba.”

Ɗa u danai le, “Vuza na baci wi isai maku me kenu ma nam pa n kula ku va̱, wi isa mu ta̱ feu. Vuza na baci wi isai mu, wi isa ta̱ feu vuza na u suki mu. Vuza na baci de dem u bonokoi ka̱ci ka̱ ni an maku a̱ ka̱tsuma̱ ka̱ ɗa̱, a̱yi ɗa vuzagbayin.”