Popular Bible Verses from Luk 1

Share

Mo꞉wo꞉ Gode eyo꞉ kelego꞉ tambowo꞉ o꞉li dimidama꞉ib.”

A꞉la꞉sa꞉labiki, Malia eyo꞉ a꞉la꞉sio꞉, “Ne Alana꞉ ene nanogdo꞉ dian ga ko꞉lo꞉, eyo꞉ gilo꞉ sa꞉lab ko aumbo꞉ nemo꞉wo꞉ ka dimidama꞉ib.” A꞉la꞉do꞉ sa꞉lab a꞉no꞉ da꞉da꞉sa꞉ga꞉, ma꞉mul kalu e a꞉na ta꞉fo꞉gane.

Ma꞉mul kaluwa꞉ a꞉ma꞉la꞉ sa꞉laki a꞉la꞉sio꞉, “Mama Malilo꞉ a꞉no꞉ gelo꞉wa mia꞉ib ko꞉lo꞉, Gode Iwalulo꞉ A꞉lab a꞉ma꞉ halaido꞉wa꞉yo꞉ ge go꞉lu alifa꞉ib. A꞉la꞉fo꞉ko꞉lo꞉ malilo꞉ so꞉wa gilo꞉ sa꞉la꞉liab a꞉no꞉, Godeya꞉ Ene So꞉waleka꞉ a꞉la꞉sa꞉la꞉mela꞉ib.

Gode Elo꞉ gemo꞉lo꞉ to sio꞉ a꞉no꞉ hendele dimidama꞉ib a꞉la꞉bo꞉, giyo꞉ mada tilidabu ko꞉lo꞉, ge sagale alifa꞉.” Elisabed eyo꞉ a꞉la꞉sio꞉.

Ge so꞉wayo꞉ alela꞉sa꞉ga꞉, kalu so꞉wa sa꞉la꞉lia꞉ib. So꞉wa a꞉no꞉ giyo꞉ Ya꞉su wikila꞉bi. E kalu halaido꞉ doma꞉ib, a꞉la꞉ta꞉ga꞉ kaluka꞉isale iliyo꞉ e Gode Iwalulo꞉ A꞉lab a꞉ma꞉ so꞉waka꞉, a꞉la꞉sa꞉la꞉mela꞉ib. Gode Alan eyo꞉, e ma꞉mu Da꞉ibid misa꞉ kalu sen o꞉leaumbo꞉, elo꞉ misa꞉ kalu mesea꞉ki, da꞉fe alifa꞉ib. Ya꞉koba a꞉la꞉ta꞉ga꞉lo꞉ so꞉lo꞉ mio꞉ a꞉no꞉, Ya꞉su E misa꞉ dowaki bo꞉fo꞉mela꞉ib. A꞉la꞉fo꞉ko꞉lo꞉ elo꞉ bo꞉fo꞉likilo꞉ ha꞉nab a꞉no꞉ mo꞉elema꞉ib.”

Ko꞉sega ma꞉mul kaluwa꞉yo꞉ emo꞉wo꞉ a꞉la꞉sio꞉ “Malia, ge tagila꞉so꞉bo. Gode eyo꞉ ge o꞉lia꞉yo꞉ sagalo꞉wo꞉ alan dowab.