Popular Bible Verses from लूका 7

Share

तुक क्‍यानी ङ ख्‍युरुङला सिरिन, दी पुम्‍पेजा तीकी क्‍यावु दिक्‍पा बङी ति तासुङ, च्‍यिलासिसिन दीकी ङला मङ ङ्‍यिङ्‍ज्‍ये क्‍यासुङ। चेयी तिराङ माफ ङ्‍येतुप तीकी ङ्‍यिङ्‍ज्‍ये साङ चेयी राङ किवी।” तमा येशूकी ती पुम्‍पेजा तीला “ख्‍योरो दिक्‍पा तासुङ।” सिनी सुङ्‍सुङ।

यिने येशूकी ती पुम्‍पेजाला “ख्‍योरो ङला तेपा क्‍यावु तप्‍की ख्‍योरो दिक्‍पा तासुङ। त लोदिमु क्‍यानी ग्‍युक।” सिनी सुङ्‍सुङ।

तमा येशूकी ग्‍यप नेसुर खोकी शापकी चाला लानी ङुयी सिरा खोकी शाप ति मिक्‍च्‍युर थ्‍वोनी बो च्‍यिसुङ, तमा खोरो र्‍ह थ्‍वोनी पियी सिरा खोकी शापला पुका कियी ती टी जङ्‍बु खाप नुम ति कुनी बिन्‍सुङ।

तुक क्‍यानी ङ गेकेनकी चाला वुङ साङ मोछ्‍योवु वे सिनी नासाम तङ्‍यिन। सुङ तिराङ सुङ्‍सिन ङे लावा ति टेकिवी। च्‍यिलासिसिन ङ साङ ङ सिनाङ मी छ्‍येकी ओङला देन वे। ङे ओङला साङ मक्‍मीतिवा वे। तिवी नाङ्‍ला च्‍यिकला ङे ग्‍युक सिक्‍यासिन ती ति डिवी, तमा यम्‍बाला शोक सिक्‍यासिन ती ति गिवी। येलुङ ङे लावाला दुक की सिक्‍यासिन तीकी तुकै राङ किवी।” ती ताम्‍ङे थोनी येशू हलेवा क्‍यासुङ, तमा ग्‍युर्नी खोरो तिङ्‍ला तिङ्‍योकुप मी माङ्‍छ्‍योकला सुङ्‍सुङ, “ङ ख्‍यिराङला सिरिन, इस्राएलकी मीतिवी पर्ला साङ दुका तेपा रम्‍बु वोतुप मी याङ ङे त सेक माथोङ वे।”

ती पेला राङ येशूकी नेजु वोतुपतिवा ताङ दुक्‍पाला ख्‍येलुपतिवा ताङ डेकी कुलुपतिवा बङीला टेक च्‍यि नोक, तमा मिक मोथोङ्‍गुपतिवाला मिक थोङ च्‍यि नोक। यूहन्‍नाकी लोमातिवाला येशूकी दुक सुङ्‍सुङ, “ख्‍यिराङ गल्‍नी ख्‍यिरा काङ थोवु ताङ काङ थोङ्‍गुप ति यूहन्‍नाला सी। मिक मोथोङ्‍गुपतिवा थोङ्‍गिवी, थेङ्‍बातिवा युकिवी, जे ग्‍यपुप नेजु वोतुपतिवा टेकिवी, वोन्‍बातिवा थोकिवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।