Popular Bible Verses from लूका 8

Share

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

छेर्माङ दोङ्‍बी पर्ला ख्‍येलुपतिवा ति दिवा राङ यिन। तिवी सुङ ङ्‍येन्‍गिवी, यिने मिजी क्‍योङ्‍गुप पेला पप ताङ टोङ्‍बा ताङ मिजी किर्मुकी नासाम ताङ्‍नी डेलु मोगोर्वी।

दोप्‍रोक खला ख्‍येलुपतिवा ति दिवा राङ यिन। तिवी कोन्‍छ्‍योककी सुङ ङ्‍येन्‍नी गा क्‍यानी तीला सेमला लिङ्‍गिवी, यिने मर मेतुप दोके सेमगी दिङ्‍ला सुङ माज्‍यकुप तप्‍की उकुर च्‍यिक तिराङ तेपा किवी, यिने खोक्‍पा ल्‍हापला ख्‍येल्‍सिमा तिवी तेपा क्‍युर्नी ज्‍योकिवी।

तमा खोकी तिवाला “ख्‍यिरा तेपा कनी गाल?” सिनी टिसुङ। तिवा ज्‍यिवा ताङ हलेवा कियी सिरा खोप्‍राङ पर्ला दुक सिक्‍यासुङ, “खो ति सु यिनाङ? खोकी क नङ्‍सिन लुङ ताङ छ्‍यी बालापकी साङ खोकी कला ङ्‍येन्‍गिनोक।”

तमा लामला ख्‍येलुपतिवा ति दिवा राङ यिन। तिवी कोन्‍छ्‍योककी सुङ ति थोवु याङ थोसुङ, यिने शैतान वानी तिवी सेम नेमा ती सुङ ति ठोनी डिवी। तुक क्‍यानी तिवी तेपा क्‍यानी दिक्‍पा ने थर मुथुपी।

काङ वोसिनाङ बानी ज्‍यकुप ति थोङ्‍गिवी, तमा छ्‍याकला ज्‍यकुप ति हाक्‍को च्‍यिनी ठछ्‍येली छ्‍या देन्‍गिवी।

तमा ती पुम्‍पेजा तीकी खुरुङ मङ यिप्‍नी दे मुथुपुप हाक्‍कोनी र्‍हुकिन सिरा वानी खोकी शापला खवुतुङ्‍मा देसुङ। तमा तेरी मीतिवी मिङ्‍गाला तीकी च्‍यिला खोला रेकुप ताङ चुक क्‍यानी शार्क्येक खोरो नेज्‍यु ति टेक्‍सुङ सिनी सिक्‍यासुङ। येशूकी ती पुम्‍पेजाला “पुमो, ख्‍योरो तेपा क्‍यावु तप्‍की ख्‍युरुङ टेक्‍सुङ। त लोदिमु क्‍यानी ग्‍युक।” सिनी सुङ्‍सुङ।

तमा लोमातिवा येशूकी चाला गल्‍नी खोला ङ्‍यी चेयी सिरा सिक्‍यासुङ, “गेकेन, ओ गेकेन, ङ्‍यिराङ छ्‍यी नाङ्‍ला नुम्‍नी शेप छाल्‍सुङ!” ती थोसिमा येशू शेङ्‍नी ती लुङ ताङ ल्‍हकुप छ्‍यी बालापला वोरु तेन्‍सुङ। तमा लुङ ताङ छ्‍यी बालाप ति छ्‍याक्‍नी तेरी कुसुमी गाल्‍सुङ।