Popular Bible Verses from Luukeꞌ 3

Share

Teka Jooni mme' kiimatavarava' nantoong ntong-koo minkivurima meeka'antavuriko'nang Jiisuu' tenang teing ninka nari' ntong-koo minkivura meeka'antavuu'nunge. Ee'noko tee Jiisuu' kunsiarako paning daate'aru'. Ee'noko Tanuaang Meekung tee-koo siaru' kuukuu'naumpui, ee'noko tee-koo dau otoko kara auromparu' paning-eta aa'puma, “Da' tee nnuring ninge piaaramaung. Ning da'koo aa'na' dotumaramaung.”

Tee'paako maku'urima aa'puu'nung, “Ning aa' tee Domang-anta nemperimaung deea', tamung ntong-koo minkirampima meeka'antarampimaang, nka tee ning aa'na' apoo'mui otoing iirakuta mme' pomaang, doonge-taara˜. Tee ee'nara poko aa'na' tampa' taaraveriai, ai' teie tee meeka'antaruriaing dii' Tanuaang Meekung ninka ee'noko nta' ninka.

Masika' bere'dariaing tee-koo sinang oro'paravaina'. Tamung dii'ka aa'periauka', ‘Eebaraami' tee nii'ke niuma otong,’ ai' masikung ninge naurampimang Kumponinge tee Eebaraami' baurukaa' aing-eta kapananka-ita nkovuripeu' dii' pari'anta-koo, domang iveka'dariko deeko'.

Teri' marekenari' teri' maamuari otong koi'koo okora'. Dii' teing koi' makosinuka. Dii'koo ookara sinang tampara nkaveriauka'ning tee nokiraarira nta'koo dua'daariaining.”

Daari Meekung-koo tee nakaronara Aisaia' bakaang karapo'nane'koo urikamu' minkuvuu'na' tee, aa'puma, “Aurong narung naning-koong mee'bora' sirakamaa'koo bokuma aa'pumaang, ‘Maamu-antaveriaing tee taung Ovoring bakaang. Koompevuriai poainavung. Ookara biri'nairu maanto'antaveriai, Ee'noko ookara iu'nanka ee'noko i'nunairu tanoomperiai. Ave'ave'nairu taung-koo koomperiai, Ee'noko ariiruteriirunairu naroomperiai. Ee'noko ookara nantoonge ooaavaing tee Domang-anta Kumponing-etaing.’”