Popular Bible Verses from Luukeꞌ 4

Share

“Tee Tanuaang Meekung Ovoring bakaang ning-koo otong ai' ning tee pako'pari'muu'nung teie daankiama'naang doorenang tampara ata'oi'nuka-koo. Teie botomuu'nung ning nauaranko dai'nisinanka dipi'arii'naang ee'noko kaputu'nuka ookaava'naang; Napo' botomuu'nunge unaa-antavarama'naang teing booni'uri otoromaing ee'noko nauarama'naang enanung batei Ovoringe miru'uu'nung piaavurira domampuriaing-koo teing.”

Ee'noko Jiisuu'ke maku'uma aa'puu'nung, “A, Daari Meekung-koo ee' daariari otong: ‘Dii'ke Ovoring diikaang Kumponing narung dootuu'eriaing, ee'noko nii'nung siomperia' otoriai.’”

Ee'noko Jiisuu'ke maku'uma aa'puu'nung tee, “A, tee Daari Meekung-koo ee' daariari otong, ‘Naning taamang narunge domampari otoaung, teka ookara kara Kumponing-etaning siompui domampari otomaung.’”

Ee'noko Jiisuu' Tanuaang Meekunge maanto'ura toroaru'nung teketa Joo'dani-nari-eta, ee'noko Tanuaang Meekunge be'antavuu' mee'bora' sirakamaa'koo karenaumo kivora doonanka-koo Sietani'ke daua'koo

Ee'noko Jiisuu'ke maku'uma aa'puu', “A, teka napo' Daari Meekunge aa'murimaung, ‘Dii'ke tee Ovoring diikaang Kumponing parapaara-koo siperiauka'.’”

Ee'noko tenang Sietani'ke paaravuma bakevura sipuu' napo' nii'nang makosivuainang nempuitaa'.

Ee'noko Sietani'ke deto koing-antavura oki'nung batei-koo oo-antavuu' ookara muu'nanka kansi'kooning. Ee'noko aa'puu' tee, “Ninge tee da' aing ookara tare-koo purinto' arompaing biikaning meenasi ninka, ai' aing ning okomui otoining ee'noko ninge tee avomaung baa ninge pia-antavamaung avu'koo. Teka dake ning dootuu'mei dei aing ookara oko-antarampeu'.” Ee'noko Jiisuu'ke maku'uma aa'puu'nung, “A, Daari Meekung-koo ee' daariari otong: ‘Dii'ke Ovoring diikaang Kumponing narung dootuu'eriaing, ee'noko nii'nung siomperia' otoriai.’”

Ee'noko Sietani'ke Jerusalema'aape be'antavuu' tee Jiisuu', ee'noko a'dei' pava dootuu'nava pankava-koo miiraka-koo pante'antavura aa'puu', “Da' Kumponing bauring deeko' anke doonko to'di'daravaing, tampa' dua'darako masika'antaraavaina', ai' Daari Meekung-koo ee' daariari otong, ‘Teie bakaning koosinunanka botovuriaing da' nee'daava'naang. Teinge biikaning birenge deto doontaavaing, kapang-koo kau' naapurara'neeng-koo.’” Ee'noko Jiisuu'ke maku'uma aa'puu', “A, teka napo' Daari Meekunge aa'murimaung, ‘Dii'ke tee Ovoring diikaang Kumponing parapaara-koo siperiauka'.’”