Popular Bible Verses from Exodo 7

Share

Dat kanan nan APO ken Moses en, “Dengngem nan kanak. Pabalinek sik-a ay kaneg dios isnan ali tay si Aaron ay besatmo et awnit siya nan kinatopekmo ay mangibagbaga isnan laydem ay ibaga ay kaneg nan ikkan di mamadto.

Ngem awnitak ipakedse nan nemnem san ali ta adina idnge dakayo ay olay no adoado ay kaeegyat ay kaskasdaaw nan esak ipaila id Egipto. Daket dosaen is mendagsen ay dosa nan iyEgipto daket ikaan nan ipogawko ay Israelita.

Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan APO.”

Dat paayagan nan ali nan mamasilib ya mensalsalamangka ay ipogawna et mensalamangkada abes dadapay ikkan nan inikkan Aaron. Wasdin esa ken daida ay mangitep-a isnan sokodna et ninbalin abes is oweg ngem ninkakan san sokod Aaron nan sokodda.

Et id wani kanan nan APO en awnitmo getken no sino siya isnan naay ay ikkana. Ilaem ta isaplitko nan naay sokod isnan danom isnan naay ginawang et awnit menbalin ay basa.

“No kanan nan ali en omipaila kayo is kaskasdaaw ay mangpaneknek en inbaak dakayo dakat ibaga ken Aaron ta alaena nan sokodna ta itep-ana isnan sagang nan ali et menbalin ay oweg.” Dat omey da Moses ken Aaron isnan ali et ikkanda nan inbilin nan APO. Intep-an Aaron nan sokodna isnan sagang nan ali ya isnan iib-ana dat tet-ewa menbalin is oweg.