Popular Bible Verses from Exodo 8

Share

Padasen pay abes nan deeyday mensalsalamangka ay menpabala is tilang ngem egayda nakaikkan. Natilangan am-in nan wada id Egipto isonga dat kanan nan deeyday mensalsalamangka isnan ali en, “Tet-ewa ay si Apo Dios nan nang-ikkan isna.” Ngem inpakekedsen kayet san ali nan nemnemna et egayna kayet pinati da Moses ken Aaron ay kaneg din kinwanin Apo Dios.

danat kasin kanan ken Moses en, “Enka kasin issan ali ta ibagam en kanan nan APO en palobosam nan ipogawna ta omeyda mendayaw ken siya.

Ngem idi inilan nan ali ay natey san deeyday tokak danat kasin ipakedse nan nemnemna et egayna kasin pinati da Moses ken Aaron ay kaneg din kinwanin nan APO.

Ngem no adim kayet palobosan daida et awnit ipaalina nan adoado ay tokak enggana ay mapno am-in nan itoltolayam.

Nakwas di dat kasin kanan nan APO ken Moses en, “Kasinmo ibaga ken Aaron ta isaplitna nan sokodna isnan lota et awnit menbalin ay tilang nan tapok isnan am-in ay ilin nan Egipto.”

Dat tet-ewa ikkan nan APO dana et adoado ay ngilaw nan inmey isnan baey san ali, isnan bab-aey nan oopisyalisna ya isnan am-in ay dagan nan Egipto. Et ado nan nadadael id Egipto gapo isnan adoado ay ngilaw.