Popular Bible Verses from Génesis 26

Share

Nãgaweda béeji na eujãde. Mɨ pɨ ome baitꞌee mãikꞌaapa pɨ bendiciaitꞌee. Pɨdeepa warrarã chokꞌara uchiapiitꞌee. Mɨa pɨ akꞌõre Abrahammaa jaradakꞌa, na eujã teeitꞌee pɨmaa mãikꞌaapa pɨdeepa uchiadaitꞌeerãmaa.

Mɨa ãra chokꞌara ĩwapiitꞌee lucero pajãde nɨ̃bɨkꞌa. Ãramaa na eujã jõmaweda teeitꞌee. Ma awara pɨdeepa uchiadaitꞌeerã kꞌapꞌɨa mɨa na pꞌekꞌau eujãdepemaarã jõmaweda bendiciaitꞌee. Mɨa mãga ooitꞌeeda aji, pɨ akꞌõrepa mɨ pedee ijãada perã, mɨa jaradakꞌa ooda perã mãikꞌaapa mɨa irumaa jarateedakꞌa ooda perã.

Maapꞌeda Isaac mamãikꞌaapa tꞌɨmɨ́ wãji mãikꞌaapa awaraa pozo kꞌoropiji. Ma eujãdepemaarã ma kꞌapꞌɨa chõo cheda–e paji. Isaacpa ma pozo tꞌɨ̃ bɨji Rejobot mãikꞌaapa jaraji: —Ɨ̃rara na eujã ewaraa kꞌobɨde pia pꞌanapataadaitꞌee mãikꞌaapa ĩwadaitꞌeeda aji.

Mama pꞌanɨde Tachi Akꞌõrepa ichi unupiji Isaacmaa mãikꞌaapa mãgaji: —Wãnaapáde aji, Egipto eujãdee. Béeji mɨa jararumãi.

Mãpai Isaacpa mama altar ooji Tachi Akꞌõremaa ɨtꞌaa tꞌɨ̃pariitꞌee. Mama pꞌaneejida mãikꞌaapa mama Isaacpa pozo pania tꞌɨpataadaitꞌee kꞌoropiji chi mimiapataarãmaa.