Popular Bible Verses from Juan 8

Share

Mãpai Jesupa waya jarateemaa beeji eperãarãmaa: —Mɨda aji, ɨ̃daa pɨkꞌa bɨ na pꞌekꞌau eujãdepemaarã–itꞌee, mɨa ãramaa Tachi Akꞌõre o akꞌɨpipari perã. Mɨde ijãa bɨ pꞌãriu pɨkꞌa bɨde nipa–e paitꞌee, Tachi Akꞌõre kꞌawa–ee. Ma kꞌãyaara ichita chokꞌai bapariitꞌee, ɨ̃daa pɨkꞌa bɨde Tachi Akꞌõre ode nipapari perã.

Mãga ooruta pɨrã, kꞌawaadaitꞌee Tachi Akꞌõrepa wãarata jara pëida mãikꞌaapa ma kꞌaurepa waa esclavoorã pꞌanada–e paitꞌeeda aji.

Mãpai Jesupa judiorã irude ijãadapꞌedaarãmaa mãgaji: —Parãpa oo pꞌanɨ pɨrã mɨa ũraa bɨkꞌa, wãara mɨ kꞌõpꞌãyoorã.

Mapa Tachi Akꞌõre Warrapa parã pꞌekꞌau kꞌachia jua ekꞌariipa uchia ataru pɨrã, wãara uchiadaitꞌee.

Mãpai ãchia iidi jõnɨde Jesús jĩpꞌa su–akꞌɨ beeji mãikꞌaapa mãgaji: —Naapɨara ichimaa mãupa batꞌapáde aji, parãdepema chi pꞌekꞌau kꞌachia wẽe bɨpa.

Jesupa pꞌanauji: —Mɨa wãarata jararu. Jõmaweda pꞌekꞌau kꞌachia oopataarã esclavoorãkꞌa pꞌanɨda aji, pꞌekꞌau kꞌachia jua ekꞌari pꞌanapata perã.

Mapa Jesús jĩpꞌa su–akꞌɨ beepꞌeda, irumaa iidiji: —¿Sãma pꞌanɨma? aji. ¿Apidaapa pɨ pee kꞌiniada–e pajikꞌã? aji. Ma wẽrapa mãgaji: —Apidaapa, Tachi Waibɨa. Jesupa mãgaji: —Mɨa pida pɨ pee kꞌinia–eda aji. Ɨ̃rá wãpáde aji, mãikꞌaapa ɨ̃raweda pꞌekꞌau kꞌachia oo amáaji.]