Popular Bible Verses from Lucas 4

Share

—‘Tachi Akꞌõre Jaure mɨ ome bapari, Akꞌõrepa mɨ jɨrɨtꞌerada perã pedee pia jarateemerã chupɨria beerãmaa. Mɨ pëiji jaramerã carcelde pɨkꞌa beerã uchiapiitꞌee mãikꞌaapa tau pꞌãriu beerãmaa unupiitꞌee; ma awara chupɨria beerã kꞌaripaitꞌee mãikꞌaapa ichi eperãarã pia akꞌɨ bapariitꞌee. Mãga mɨmaa jarapiji irua eperãarã pia oo kꞌinia bairã na año irua jɨrɨtꞌeradade.’

Jesupa pꞌanauji: —¡Oo–eda! aji. Tachi Akꞌõre Ũraa pꞌãdade jara bɨ: ‘Tachi Akꞌõre Waibɨamaa aupai ɨtꞌaa tꞌɨ̃patáatɨ mãikꞌaapa jĩpꞌa oopatáatɨ irua jara bɨkꞌa.’

Jesupa pꞌanauji: —¡Oo–eda! aji. Tachi Akꞌõre Ũraa pꞌãdade jara bɨ: ‘Eperã chikꞌo kꞌo bɨpapai chokꞌai bakꞌaa. Tachi Akꞌõre pedee kꞌawa bɨpa ichita chokꞌai bapari.’

Akꞌõre Jaure Jesús ome bapachi mãikꞌaapa irua Jesús wãpiji Jordán todeepa eujã pania wẽe bɨmaa.

Jesupa pꞌanauji: —¡Jɨ̃tɨ–eda! aji. Ichiaba Tachi Akꞌõre Ũraa pꞌãdade jara bɨ: ‘Ne–inaa pariatua oonáaji kꞌawaaitꞌee wãara Tachi Akꞌõre Waibɨapa tachi akꞌɨpari wa mãga–e.’

Netuara Poro Waibɨapa pꞌoyaa–e pakꞌãri Jesús ome, atabëiji awaraa ewaride cheitꞌee.

Maapꞌeda Netuara Poro Waibɨapa iru ee ɨtꞌɨara bɨ nokꞌode ateeji. Jõmaweda na pꞌekꞌau eujãdepema pꞌuuru akꞌɨpiji mãikꞌaapa mãgaji: —Mɨa pɨ jã pꞌuurudepemaarã poro waibɨa papiyada aji. Ãchi netꞌaa pia jõmaweda përé papii. Mëré perã chi tee kꞌinia bɨmaa teei. Mɨ kꞌĩrapite bedabaipꞌeda, mɨmaa ɨtꞌaa tꞌɨ̃rura, jõmaweda përé payada aji. Jesupa pꞌanauji: —¡Oo–eda! aji. Tachi Akꞌõre Ũraa pꞌãdade jara bɨ: ‘Tachi Akꞌõre Waibɨamaa aupai ɨtꞌaa tꞌɨ̃patáatɨ mãikꞌaapa jĩpꞌa oopatáatɨ irua jara bɨkꞌa.’

Tꞌẽepai Netuara Poro Waibɨapa iru ateeji Jerusalén pꞌuurudee. Mama Tachi Akꞌõre te waibɨa ekꞌarra ɨ̃rɨ ɨtꞌɨ́ ateeji mãikꞌaapa mãgaji: —Wãara pɨ Tachi Akꞌõre Warra pɨrã, namãikꞌaapa jɨ̃tɨdaipáde aji, Tachi Akꞌõre Ũraa pꞌãdade jara bairã: ‘Akꞌõrepa ichi angeleerã pëiitꞌee pɨ kꞌaripadamerã. Ãchia pɨ jita atadaitꞌee mãikꞌaapa pɨ tꞌɨdɨkꞌadaitꞌee, pɨchi bɨɨrɨ pida mãumaa pꞌu oopiamaapa.’ Jesupa pꞌanauji: —¡Jɨ̃tɨ–eda! aji. Ichiaba Tachi Akꞌõre Ũraa pꞌãdade jara bɨ: ‘Ne–inaa pariatua oonáaji kꞌawaaitꞌee wãara Tachi Akꞌõre Waibɨapa tachi akꞌɨpari wa mãga–e.’