Popular Bible Verses from Lucas 9

Share

Tꞌẽepai Jesupa mãgaji jõmaweda ichi ome nipapataarãmaa: —Eperã mɨ ome nipa kꞌinia bɨ pɨrã, kꞌĩsiaikꞌaraa bɨ ichia ne–inaa oo kꞌinia bɨdepai. Ichi kuruso ãpꞌaipia bɨ eperã peenadaitꞌeekꞌa. Pia jaraitꞌeera, ewari chaa ooipia bɨ mɨa oopi bɨkꞌa, ma kꞌaurepa miapiruta pɨjida piurumaa.

Eperã piuamaa bɨ pɨrã mɨde ijãapari kꞌaurepa, mãgɨ́ piukꞌãri, atuaitꞌee. Mamĩda eperã piuru pɨrã mɨde ijãapari kꞌaurepa, mãgɨ́ ɨtꞌaa wãitꞌee ichi piukꞌãri.

Jesupa pꞌanauji: —Eperãpa eujã pꞌëiratꞌɨmaa bɨ pɨrã aradopa, jĩpꞌa nokꞌooree akꞌɨipia bɨ. Ãpɨtee akꞌɨru pɨrã, pia ba–e paitꞌee Tachi Akꞌõre jua ekꞌari ichideerã ome.

Ma awara ¿kꞌãare piata baima eperãpa ne–inaa pia na pꞌekꞌau eujãde nɨ̃bɨ jõmaweda ataru pɨrã, mamĩda piupꞌeda chokꞌai pꞌirabai–e pɨrã Akꞌõre eujãde? Ichia netꞌaa iru bɨ atuaitꞌee mãikꞌaapa banaitꞌee tokꞌarradee.

Eperã kꞌĩra nejasia bɨ pɨrã jaraitꞌee mɨde ijãa bɨ maa–e pɨrã mɨ ũraa jaraitꞌee awaraarãmaa, mãgara mɨ, chi Eperã Akꞌõre Truadepema jida kꞌĩra nejasia baitꞌee mëreda aitꞌee, mɨ Akꞌõre Waibɨa kꞌĩra wãreede chekꞌãri iru angeleerã ome.

Jesupa pꞌanauji: —Usapꞌã́ yooro te uria iru bee mãikꞌaapa ipanaarã te iru bee. Mamĩda mɨ, chi Eperã Akꞌõre Truadepema arajãgaa ni, kꞌãipari wẽe. Made kꞌĩsíaji, jarai naaweda wãara mɨ ome nipa kꞌinia bɨ wa mãga–e.

mãikꞌaapa mãgaji: —Eperãpa mɨde ijãa bɨ kꞌaurepa nãgɨ́ warra chaikꞌa auteebairu pɨrã, mɨ jida auteebaipari. Ma awara chi mɨ auteebairupa mɨ pëida aukꞌa auteebaipari. Mapa chi parãdepema ekꞌariara pɨkꞌa bɨ audua–ee bairã, mãgɨta waibɨara paitꞌee Akꞌõre kꞌĩrapite.