Popular Bible Verses from Lucas 10

Share

Mɨa parã kꞌaripaji tꞌɨadamerã taamaarã ɨ̃rɨ mãikꞌaapa tusõre ɨ̃rɨ, parãmaa maarepida kꞌaada–ee. Kꞌaripaji chõopataadamerã Netuara Poro Waibɨa ome; irua parã pꞌua oo–ee.

Mamĩda Jesupa pꞌanauji: —Marta, Marta, pɨ audú kꞌĩsia nɨ̃bɨda aji, ne–inaa pi–ia oo kꞌiniapa. Mamĩda Mariapa ne–inaa piara jɨrɨji ooitꞌee, mɨ nama bɨ misa. Apidaapa jarada–e paitꞌee irua mãga oonaamerã.

Ma Moisepa pꞌãda jarateeparipa pꞌanauji: —‘Tachi Akꞌõre Waibɨa kꞌinia iru baparíiji pɨchi tꞌãripa mãikꞌaapa ne–inaa jõmaa kꞌãyaara iru kꞌinia iru baparíiji. Ewari chaa kꞌĩsíaji irude pɨchi tꞌãripa;’ ‘ma awara awaraarã kꞌinia iru baparíiji, pɨchi kꞌapꞌɨa kꞌinia iru baparikꞌa.’

Ãra pëikꞌãri, mãgaji: —Eperãarã chokꞌara mɨde waide ijãada–e pꞌanɨ. Ne–uu audú chau bɨ́kꞌapɨ pꞌanɨ. Mamĩda mimiapataarã chokꞌara–ee pꞌanɨ. Mapa iidipatáatɨ Tachi Akꞌõre, ma ne–uu chiparimaa awaraa mimiapataarã pëimerã chi chau bɨ pꞌede.

Mãga nepɨrɨpꞌeda, Jesupa iidiji ma Moisepa pꞌãda jarateeparimaa: —¿Kꞌãata kꞌĩsia bɨma? aji. ¿Ma õpeedepema chisãgɨpa ma eperã akꞌɨjima ichi kꞌapꞌɨa akꞌɨparikꞌa? Ma Moisepa pꞌãda jarateeparipa pꞌanauji: —Chi chupɨria kꞌawaadapa pajida aji. Mãpai Jesupa mãgaji: —Pɨa aukꞌa oopáde aji, chupɨria chedeerãmaa.

Wã́tɨ eperãarãmaa jarateede. Mɨa parã pëiru oveja chakꞌeerã pëikꞌajikꞌa ne–animalaarã kꞌachia beerã tꞌãide.