Popular Bible Verses from Lucas 11

Share

¡Mãga–epɨ! Parã, ne–inaa kꞌachia oopataarã mĩda, pãchi warrarãmaa netꞌaa pia tee kꞌawa pꞌanɨ. Parãpa mãga ooruta pɨrã, ¡audupɨara pãchi ɨtꞌaripema Akꞌõre Waibɨa ichi Jaure teeitꞌee chi iidirutaarãmaa!

Maperã mɨa nãga jara bɨ. Iidipatáatɨ Tachi Akꞌõremaa. Irua teeitꞌeepɨ. Jɨrɨpatáatɨ. Irua kꞌawapiitꞌeepɨ. Eperãpa puerta tꞌaide tꞌɨ̃parikꞌa, Akꞌõremaa tꞌɨ̃patáatɨ. Irua parã kꞌaripaitꞌeepɨ.

Chi iidi bɨmaa Tachi Akꞌõrepa teepari; chi jɨrɨ bɨmaa Tachi Akꞌõrepa kꞌawapipari mãikꞌaapa chi tꞌɨ̃ bɨmaa ewapari.

Mãpai Jesupa mãgaji: —Parã ɨtꞌaa tꞌɨ̃dakꞌãri, nãga jarátɨ: Tachi Akꞌõre ɨtꞌari bɨ, pɨ tꞌɨ̃ awaraa tꞌɨ̃ kꞌãyaara pipɨara bɨ. Eperãarã bɨ́ji pɨchi jua ekꞌari pɨchideerã pꞌaneedamerã. [Óoji pɨchia kꞌinia bɨkꞌa na pꞌekꞌau eujãde, ɨtꞌari ooparikꞌa.]

Taipa pꞌekꞌau kꞌachia oopata chupɨria kꞌawáaji mãikꞌaapa perdonáaji taipa perdonaapatakꞌa, awaraarãpa taimaa ne–inaa kꞌachia oodakꞌãri. Tai kꞌachiade baaipináaji. Tai kꞌaripa atáji Netuara Poro Waibɨa juadeepa.

Tai–itꞌee chikꞌo téeji ewari chaa kꞌodaitꞌee.

Tachi tau lamparakꞌa ɨ̃daa pɨkꞌa bɨ tachi kꞌapꞌɨa–itꞌee. Pɨchi tau pia bakꞌãri, kꞌapꞌɨa jõmaweda ɨ̃daa pɨkꞌa bɨde baitꞌee. Mamĩda pɨchi tau kꞌachia bɨ pɨrã, kꞌapꞌɨa jõmaweda pꞌãriu pɨkꞌa bɨde baitꞌee.

—Lámpara kꞌoodakꞌaa mera bɨdaitꞌee ne–inaa ekꞌari. Ma kꞌãyaara kꞌoodakꞌãri, ne–inaa ɨ̃rɨ ɨtꞌɨ́ ata bɨpata, jõma te jãde pꞌanɨɨrãpa ɨ̃daa unudamerã.