Popular Bible Verses from Maku 12

Share

Ãmẽ Jesu e'i: – Kee e'i maekwerà ywesõ ikasiay: “Isaeu kõ, pejapyaka katu ikenẽ. Pe'ĩte penõvijã ywete. Janejare'e tè a'e. Nuvei 'ete ãmõ penõvijã mõ ivo mã'ẽ. A'e ywesõ aje peauvay penõvijã ywete rõmõ. Pepy'a pupe peau. Ãmõ, pe'ãg pupe peau. Ãmõ, petekokuwaa pupe peau teve ipi Ãmõ, pekasia pè teve”, e'i maekwerà. Aepo e'i maekwerà ywesõ ikasiay, e'i Jesu ijupe. E'i jẽ Jesu ijupe: – Ãmõ ywesõ teve ikasiay, kee e'i maekwerà: “Nepyriwarà kõ tereauvay ereko ipi. Ãwitõ nejiauvay, ãwĩvo ve tereauvay nepyriwarà kõ ereko kõ, koivo kõ ve”, e'i maekwerà. Ãwĩ rupi ywesõ tijaiko, e'i Jesu.

Ãmẽ Jesu omuu wemimo'ekwerà kõ okoty javo. – Ãwĩ wãivĩ ywesõ nokãte'ãi okarakuri rè imoma'e ywete mãe kõ wyi, e'i. [A'e kõ ipẽgà tè weru ime'ẽ ipi. Ajamã'ẽ pe'ĩrõwã opyta jẽ ijupe kõ.] Aã ãmẽ wyjaveay weru ime'ẽma. Ajawyi nopyta pe'ĩ ekojẽi tesõ ijupe ome'ẽ maire ky'y. Ajawyi aã wãivĩ ywesõ nokãte'ãi okarakuri rè Janejare'e pè ome'ẽ remẽ. Aje aepo a'e age'e, e'i Jesu ijupe kõ.

Ãmõ 'ary pè Jesu oo mijẽ Janejare'e moe'ea retã pè. A'e ypy pè wapy jane kõ rè omãjã upa, karakuri moeta weru inõ karakuri moeta temime'ẽgwerà rena pupe kupa remẽ. Ãmẽ jane kõ pe'ĩrõwã okwa okwa wemime'ẽ reru inõ ena pupe. Imoma'e ywete mãe kõ kejavu tesõ karakuri moeta ome'ẽ. Ãmẽ ajaire terekwarerà mõ uu karakuri me'ẽ. Karakuri moeta nikasi mã'ẽ mõrijõgà ome'ẽ. Wyjaveay ome'ẽ, nimoma'ei mã'ẽ tè rewarà mõ. Ajawyi emime'ẽgwerà naepy ywe'ei.

Ajawyi Janejare'e ywesõ tijaau katu janepy'a pupe ereko. Pirujẽ janetekokuwaa pè teve. Ãmõ, pirujẽ janekasia pè teve. Ãmõ ãmõ kõ tijaau katu teve ereko kõ ipi. Ãwitõ jajiau jaiko mã'ẽ vo tijaauvay kõ ereko ipi. A'evo jaiko mã'ẽ ywesõ Janejare'e opota tijaiko ipi. Na'evoi jaiko remẽ, manyvoa rã rõmõ rõwã kuwa janeremime'ẽgwerà Janejare'e pewarà, e'i Jesu pè.

Ãmẽ Jesu e'i ijupe kõ: – Õ'õ. Aje ywete pejẽ! Jõvijã wasu karakuri tè aã, e'i. Ajawyi kee a'e pejẽ. Jõvijã Sesa pewarà tè remẽ, tapeme'ẽ jõvijã Sesa pè ãmẽ. Ãwĩvo ve Janejare'e pewarà tapeme'ẽ Janejare'e pè, a'e pejẽ, e'i Jesu ijupe kõ imogwe kõ. Aepo wenu kupa mãe kõ kee e'i: – Haa! Aepo e'i si Jesu! e'i kupa.