Popular Bible Verses from Maku 3

Share

Janejare'e yvapewarà remimota rupi ekoi mãe kõ pirujẽ eretãrã kõ vo teve ekoi. Ajawyi “emõmirĩ kõ” a'e pejẽ. Ãmõ, “ekõjã kõ” a'e pejẽ. Ãmõ, “ey kõ” a'e. Aepo a'e pejẽ, e'i Jesu ijupe kõ.

E'i jẽ Jesu ijupe kõ: – Aje ywete kee a'e pejẽ. Janejare'e “awyjepa” e'ità jane kõ aiwererà pè ky'y! Iteetejẽ joaiwererà mã'ẽ pè “awyjepa” e'ità. Janejare'e rè oporegeta ai remẽ tesõ “awyjepa” e'i jẽ kuwa. Ajamã'ẽ ava mõ “ãjãgai” e'i tite sõ Janejare'e 'Ãg pè remẽ, aepo rewarà mõ “awyjepa” ne'i'ãi Janejare'e aepo e'i mã'ẽ pewarà mõ ipi. Omo'y jẽtà aepo ee. Poromoe'yi 'arà mẽ omo'y jẽtà aepo ee. Aekwerà repykarà mõ omomorijautà ãmẽ ky'y, e'i.

Tõvijã rè tè amosã'ãgatà ãjãgai rõvijã tapekuwa sa'u. Tõvijã remĩgwai kõ mõ ojimoãpã sõ oõvijã rè remẽ, ikasi jẽ kuwa põ tõvijã? Ãnĩ! Nikasi'ãi kuwa ãmẽ! Manyvo ne'i'ãi kuwa ojimokasi ovote ky'y. A'evo ve tetãrã kõ, jopyriwarà kõ. Ijayvu ai sõ ojeeve kupa remẽ, nojimoena'ãi kuwa ojipyri kupa ky'y, e'i. Ãmõgwerà ojisyry kõrijõ kuwa oo. A'evo ojimosãsãi kuwa ojiwyi ãmẽ kupa. A'evo remẽ tõvijã nikasi'ãi etãrã rõmõ ky'y, e'i.

Ãjãg ojimoemija ee mãe kõ ve uu ijupe ojiporijauesaoka. A'e kõ ojimoenãpa'ã ovake wapuka pukai kupa. – Janejare'e Ra'yry tè ene! e'i wapukai rõmõ kupa. Ãjãgaiwerà kõ a'evo wereko kõ aepo te'i kupa.