Popular Bible Verses from Maku 4

Share

Ãmẽ Jesu opõ'ã wayvukasi rõmõ yvytu ai pè. Ãmõ, yy opipo pipo mã'ẽ pè teve ijayvukasi. – Epi! e'i. Ameve opi yvytu. Yy rova'arà ojimovoropa katu teve ijayvukasia rupi ky'y. Ãmẽ Jesu e'i wemimo'ekwerà kõ pè: – Pekyje rõwã ipõ! e'i. “Aje” napejẽive sipõ eayvukasia pè? e'i ijupe kõ.

Ojimonyi wete jẽ emimo'ekwerà kõ a'evoa rè omãjã. Ajawyi e'i ojiupe kupa: – Haa! Ava sipõ awi janerõvijã, ãwĩvo tesõ tijayvukasiay wete? Emã'ẽ. “Epi!” e'i yvytu ai pè remeve opi! Yy a'evo ve. Omomi wayvukasia rupi! [Ãwitõ janeremĩgwai mõ janererovija, “teene” eu ijupe remẽ, ãwĩvo yvytu ai janerõvijã pè, e'i kupa.]

Ãmẽ Jesu oke upa, yarà ropyta pè. Ipyu mã'ẽ 'aryvo ojeãkãinõ oke upa. Ajawyi emimo'ekwerà kõ oo imõtã. – Oremo'earà, emã'ẽ! Japatà maevo yy pupe! Nimanyvoi põ neupe japatà yy pè remẽ? e'i kupa.

– Tapeewe katu peneminuwerà rè pejimotekokuwa, Janejare'e ayvu rè. Ãmẽ ywesõ petekokuwavaytà ee ãmẽ. Napeeweri ee remẽ, napetekokuwa'ãi ãmẽ ee.

Jesu e'i jẽ ijupe kõ: – Manyvo tekoua amome'u tarà mijẽ pemotekokuwaa rõmõ, tapekuwa manyvo Janejare'e jane kõ Rõvijã wasu rõmõ ojikuwaoka remẽ, e'i. Ava mõ omoẽoka ypy Janejare'e o'arà kyty remẽ, a'evoa nojimoikatu'ãi ve ãmõ kõ pè ipi. Ajaire tè ojikuwatà Janejare'e remĩgwai rõmõ. Ãwitõ moma'e rã'ãigwerà jaõtã remẽ, nijamã'ẽive ee ejõi sikaepo yvy kwarà pupe remẽ ipi. Pya jake remẽ tè sikaepo ejõi. Aryvo japosiko jaiko remẽ teve ejõi sikaepo. Nijamã'ẽi ajamã'ẽ ejõia rè. Nijakuwai manyvo e'i põ oẽma mã'ẽ.

Pejipy'amogeta ikõ eayvu rè nẽ, pepota pejimotekokuwavay remẽ, e'i ijupe kõ.