Popular Bible Verses from John 12

Share

Yuk wangnun pisten͞gukuni, maligglia, pisteka-llu nayuqemneciiquq. Yuk wangnun pisten͞gukan, Aatam qigcignarivkarciqaa.

Unguvaminek arcaqakilriim tamarciqaa, tau͡gaam maani nunam qaingani unguvaminek arcaqakinrilnguum piksaguciiqaa unguva nangyuilnguq.

Ilumun, ilumun, qanrutamci, naucetaarkaq mukaarkaq nunam iluanun tull'uni nalanrilkuni atauciurrlainarciquq, tau͡gaam nalakuni ur'arkaurciiquq.

Tanqiulua nunamun tekitua, wangnun ukvelria tan'germetesqevkenaku.

Qaneryaramnek-llu niitellria ukveqevkenaki-llu, tauna wiinga qanercetaarngaitaqa, tekitenrilama nunamiut qanercetaararkauluki, tau͡gaam anirturarkauluki.

Tuani Mary tegutuq usperem nalliinek mingugmek tepkegcautmek akitulriamek, Jesus-aam-llu it'gai mingugluki, nuyaminek-llu perrirluki, ena-llu tepengluni tepkegcautem tepiinek.

napat palm-at avayaitnek tegulluteng pairrsaagaat, qayagaluteng-llu, “Hosanna! Atawaqerli Atanrem atrakun tekitellria, wani-wa Israel-aat Angayuqrat.”

Jesus-aam kiugak, “Yuum Qetunraan ucurnarillerkaa tekituq.