Popular Bible Verses from Fulaa 3

Share

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Mó dimul ndu aa: «Tiiya nanu le, soli samtala co nɔm o n'pelu lan. Kani fonda n sim hoo coo-o, fonda diandaa o co ni.»

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa. Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

Lon mɛlɛkanɔ Hala-o cɔmnun ndu o yinnde biyaalen nin o bɔɔ nin ni. Moise va yinnden cɔu sandei vulɛi-vulɛi o bɔɔ nin, kɛ bɔɔ kon ve ŋɔ le.

Lelan, nɔm Moise, i vem nɔm o Faraɔnnɔɔ lo sunsun. Kɔ ma kɔ soli yungu nuu o sanga kon nin Esipte, Israɛlla pɛɛn.»