Popular Bible Verses from Luke 11

Share

Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»

Lelan, ya co niaa dimullo ni maa: «La piɛi, o kon a kenin niaa. La nuwviaa, o kon la saalunnin. La lɔɔ dioo, o kon a kumbilnin niaa.

Kani vana-vana piɛi pɛ, ndu sɔla. Vana nuwviaa pɛ, o saalun. Vana lɔɔ pɛ dioo, a kumbil ndu.

Mó dimul nda aa: «Telen niaa co va piɛilen-ndo, la dimi aa: Pua, màá vannda sina maa Hala Diandaa n co ni. Màá masale nɔmnden le hun.

Mal naa haki le hakila naalan, kani naa bɛɛ, n co vanaa-vanaa co tɛɛmbuuo a naa hakio malɔɔ. Mal naa mì n del o dɛɛniaa nin te.»

Yɔngu naa ɲɛdiaa naa n bɛnda le dioo lepalaa-lepala-o.

Hɔlta nɔmndan la co lamboo le dialun nɔmndon ni. Te la co pɛ la kɛndɛ, dialun nɔmndon kpow n pɛ a ɲɛ-tengaa, kɛ te la co la kɛndɛ le, n pɛ a ɲumndan.

Vana-vana mɛndul fitinaa mò kɛsi ndu nɛɛ viannan-nda le, te kon te mò ven ndu o hɛngɔɔ bɛngu. Kɛ o ɲɛ kɛsiaa lafitinaa coo vana kɛsi fitinaa ni, haliko mi vanaa co luɛyɔɔ-a ce ɲɛ-tengaa.