Popular Bible Verses from Luke 12

Share

Niaa bɛɛ, la va a bɛɛndiannda, kani a telen niaa venin kɔl too Po vanacieo co hunɔɔ ni.»

La nuuvia Masale Hala len, o kon ɲɛm mun bɛɛ n yɔngunnin niaa.»

O kon kɔɔli, mó dimul nda kpow aa: «La caa mì la mandan le yeemɛi vɔɔnde, kani o co ka o bolofaa bɛndoo nin te vana sɔla yoomoo le.»

Kani nɛɛ niaa co bolofaa niaa kɛsio-a, lon koni niaa handunin kɔlta niaalan ni.

O niaa tɛɛn, ɔ́ɔ̀ vana cɔɔlu nin yoomu ndɔɔ bɛndi hali paale pilɛ le buulannda ndɔlan-ndo?

O kon kɔɔli, mí Yeesu dimul kaandeŋaa ndɔa aa: «Lelan, mì dimul niaa, la buulan le yoomu niaa, te kon te le ɲɛ niaa dianin-ndo le, la buulan vɛlɛ le dialun nian, te kon te le ɲɛ niaa cuɛinunnin-ndo le.

Hali yiŋii co niaa o lebol-le, i co icɔmɛi kpede. Lelan, la buulan te. Niaa co fisa a nɛ́ɛ̀nɛ́ɛ̀a sɛ́lɛ́ bɛndoo.

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

La tofa vɔ basabasakoendea, a seŋ te, a kuw le, a nɔ nɛɛ mandaa ɲɛ le, a nɔ konda le, kɛ Hala co nda baloo dɔvɔɔ. Niaa la hiow yowva polon!

La fafala le ɲɛ niaa dianin-ndo, te kon te le o niaa kolnin-ndo le. Kɔlta niaalan la sanga le.

Te Hala cuɛi pɛ billo lende, o co hau yondoo nin, siɔdii mò hun viownun o yin-ndo, vɛ̀ɛ̀ o kɛɛ yɛnin niaa vanndaciee cuɛi hiovɔɔ billo coo? Mbɔ̀ laalan niaa dɔɔnan bɔɔ!

Ɲɛ-ɲɛ co o kumbaa, o fulanin ceen kpendekele. Ɲɛ-ɲɛ co vɛlɛ o vianaa, vannda sinanin ndu.