Popular Bible Verses from Gɔwɔ tɔɔi 22

Share

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Abrahamə ə nwoo ŋąąpənə, yɛ mą: «Nón, Yálá kpinį ɓə pai mɛlaa lon gɛi.» Di tɛɛ diɛ li.

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi. Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Kɛlaa, Yai-Laa nwɔ malaka ə lɛɛ yələ, ə Abrahamə təli, yɛ mą: «Abrahamə! Abrahamə!» Abrahamə yɛ mą: «Ną́mu, ɲą́ą́ ka, nwə́li tɔɔi.»

Yai-Laa nwɔ malaka ə lɛɛ ɲələi, ə Abrahamə təli gee mɛ̨i veelɛnąą, yɛ mą: «Yai-Laa aa gwɛla a gbɔwɔ, yɛ mą: Ɲą́ą́ ɓə gáá a Yálá hvulú, mɛ̨nįi ŋɛ̨i yáá gɛ, yii kpɔ hvo kɛ lənə li ə́ lon gɔw tɔ̨nɔ̨i ŋɛ̨i kulɔi mą́ą́ a haláái

Ɓɛlɔwai kɛa di həli la ɓɛi ŋɛ̨i Yálá ə nąą lɛ Abrahamə ɓa, Abrahamə ə haláá kulɔi ta pɛli laa, ə gwɛi pu mɛ̨i, ə Isaakə hon, ə ɲee laa bulu, ə ɲili, ə dɛ ə naa gwɛi mɛ̨i.