Popular Bible Verses from Luk 13

Share

“Ni kekan-afurap, omopora siina-pa ikiweka. Yo nia maakiyem, mua unowa ikiwowa akimimik nain, wi me pepek.

Iir nain emeria-ko nan ikua. Emeria nain mokoma ten kuisow ikur okaiwi-pa arow naap sawur-ke napuma iwiwkin ikua. Napuma aawep ineka kuep soomarem-ikua. Aria Yeesus-ke urufap farek. Ekapeya maakek, “Oo aite, no napuma nefar iirarem, aakisa eliw ikainan.”

Maakemi wapena mia iinan-pa wiar wueya sariarep kaken iimarek. Sariarep Mua Maneka unuma fakerak.

Ae, aakisa wi mua papako murarimik nain ikoka miimowa-pa ikaikuan, ne wi mua papako miimowa-pa ikemik nain ikoka murarow akena-pa ikaikuan.” Naap wia maakek.

Ikoka koor onoma-ke iikirap omopora upinon. Upep-pueya ni owaruma-pa iimarep omopora arufami farowen, ‘Oo Maneka, i omopora-ko yia paaskoma!’ Naap maakiwkin nia iiraremi mainon, ‘Yo me nia amisarem, ni naareke?’

Yo makena nia maakiyem, weetak akena! Ni kema me kirowen-na, nis pun ikoka mesenalowen,” naap wia maakek.

Ne nia maakinon, ‘Yo me nia amisarem, ni kaakew mua-ke. Ni pina mua-ke ikeman. Ni ikiweka.’ Naap nia maakinon.

Aria naap ikok nainiw maek, “Mua Maneka pika kemena wiar ekiwkin manekariya nain maa mauwa maemi ileninen? Nain feenap saarik, mastet makena saarik, gelemuta akena. Mua oko nomokowa mastet maken mumua aawep manina-pa isakek. Ne arimemi nomokow maneka arek. Ne nepa-ke birinep ekapep ekeka-pa nan unowa aawemik,” naap maek.